Putin: "Biz sülh istəyirik, amma..." - AÇIQLAMA

Rusiya prezidenti Vladimir Putin BRİKS toplantısında jurnalistlərə maraqlı açıqlamalar verib.

"Russia Today" (RT) saytında yer alan xəbərə görə, Putin Rusiyanın məqsədinin uzunmüddətli təhlükəsizlik maraqlarını təmin etmək olduğunu vurğulayıb.

Ukraynaya hərbi yardım ediləcəyi üçün qısamüddətli atəşkəsə qarşı çıxdığını bildirən Rusiya prezidenti, "Əgər bir növ sülh prosesindən danışırıqsa, bu proses Ukraynanı dəstəkləyən NATO ölkələrinin silah-sursat göndərə bilməsi üçün bir fürsət olmamalıdır", - deyib.

Putin rəsmi Moskvanın hər iki ölkəyə uzunmüddətli və davamlı sülh gətirmək istədiyini bəyan edib:

"Biz bunun beynəlxalq münasibətləri, Avropa münasibətlərini və iqtisadiyyatı pozan element olduğunu bilirik. Hər kəs kimi biz də bu münaqişənin tezliklə və təbii ki, sülh yolu ilə bitməsini istəyirik".