Tovuzda qətl hadisəsi
Tovuz rayonunun Əli Mərdanlı kəndində 65 yaşlı qadının qətlə yetirilməsi ilə bağlı cinayət işi başlanıb. Hadisə avqustun 6-da qeydə alınıb. Şübhəli bilinən şəxs, mərhum qadının 26 yaşlı qardaşı oğlu Ülvi İsayev hüquq-mühafizə orqanları tərəfindən saxlanılıb.
Geyim tərzinə görə müdaxilə
İctimai yerdə burqa geyinmədən, makiyajlı və ətir vuraraq çölə çıxan gənc bir qadın, digər bir qadının sərt müdaxiləsi ilə üzləşib. Müdaxilə edən qadın gənc xanımdan üzünü örtməsini tələb edib və onun geyiminə, ümumi görünüşünə kəskin reaksiya verib.
Dənizdə batan yeniyetmənin meyiti tapılıb
Bakının Sabunçu rayonunun Pirşağı qəsəbəsi sahillərində iki gün əvvəl dənizdə batmış 16 yaşlı yeniyetmənin meyiti aşkar edilib. Fövqəladə Hallar Nazirliyinin (FHN) Mətbuat xidməti bu barədə məlumat yayıb.
Cəlilabadda yanğın hadisəsi
Cəlilabad rayonunun Dostallı kəndində yanğın hadisəsi baş verib. Fövqəladə Hallar Nazirliyinin müvafiq yanğınsöndürmə qüvvələri dərhal hadisə yerinə cəlb edilib. Yanğın nəticəsində kənddə iki həyətyanı sahə və bir tövlə yanıb, əmlaka ziyan dəyib.