Milli Yaylaq Festivalında hadisə: Çardaq çökdü, xəsarət alanlar var
Göygöl rayonunda keçirilən Beşinci Milli Yaylaq Festivalına xoşagəlməz hadisə kölgə salıb. Festivalın Xan Yurdu adlanan ərazisində cıdır meydanının yanında yerləşən, atlar üçün saman saxlamağa nəzərdə tutulan yüngül, taxta konstruksiyalı çardaq çöküb. Təşkilatçıların açıqlamasına görə, səhnə deyil, məhz bu çardaq aşmışdır. Hadisə nəticəsində bir neçə nəfər müxtəlif dərəcəli xəsarətlər alıb. Faktla bağlı araşdırmalar davam etdirilir və çökmənin səbəbləri müəyyənləşəcəkdir.
Kürdəmirdə zəncirvari yol qəzası: Yaralılar xəstəxanaya yerləşdirilib
Bu gün Kürdəmir rayonunda zəncirvari yol qəzası qeydə alınıb. Hadisə Ağsu-Kürdəmir-İmişli avtomobil yolunun rayonun Təklə kəndindən keçən hissəsində baş verib. Çoxsaylı avtomobillərin toqquşması nəticəsində bir neçə nəfər müxtəlif dərəcəli xəsarətlərlə xəstəxanalara çatdırılıb.
Hacıqabulda avtomobil körpüdən aşdı: İki nəfər yaralandı
Hacıqabul rayonunda daha bir yol qəzası baş verib. Bakı-Qazax magistralının Nəvahi qəsəbəsi ərazisindən keçən hissəsində 1951-ci il təvəllüdlü Gəncə sakini İsmayılov Dəmir Əli oğlunun idarə etdiyi avtomobil körpüdən aşıb. Qəza nəticəsində iki nəfər xəsarət alıb.