Goranboyda ağır yol qəzası - 8 nəfər xəsarət alıb
Goranboy rayonunda səhər saatlarında baş verən yol-nəqliyyat hadisəsində 8 nəfər xəsarət alıb. Qəza Goranboy-Borsunlu-Gəncə magistral yolunda qeydə alınıb. Ford Fusion markalı minik avtomobili ilə QAZel markalı mikroavtobus toqquşub. Xəsarət alan şəxslərə tibbi yardım göstərilib.
Azərbaycan və FAO arasında əməkdaşlıq güclənir
Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) Azərbaycandakı nümayəndəsi Muhamməd Nasar 19-cu Azərbaycan Beynəlxalq Kənd Təsərrüfatı Sərgi və Forumunda çıxış edərək bildirib ki, iki tərəf arasında əməkdaşlıq ildən-ilə daha da möhkəmlənir. Nasar Azərbaycanla FAO arasındakı tərəfdaşlığın inkişaf dinamikasını yüksək qiymətləndirib.
Xəzər dənizində 3.7 bal gücündə zəlzələ qeydə alınıb
Xəzər dənizində yerli vaxtla səhər 08:45:30-da 3.7 bal gücündə zəlzələ baş verib. Respublika Seysmoloji Xidmət Mərkəzinin məlumatına görə, zəlzələnin episentri 19 kilometr dərinlikdə yerləşib.
"Azercell" Beynəlxalq Xalça Festivalında sosial təşəbbüsünü təqdim edib
"Azercell Telekom" MMC və "Azərxalça" ASC ortaq əməkdaşlıq çərçivəsində qadın həmrəyliyi və gücünü əks etdirən "Minlərlə ilmə, bir güc" sosial təşəbbüsünü həyata keçirib. Layihə Azərbaycanın zəngin xalçaçılıq ənənələrini yaşatmaq və gələcək nəsillərə ötürmək məqsədi daşıyır.
Din xadimləri Naxçıvanda tarixi abidələrlə tanış olub
Dini Qurumlarla İş üzrə Dövlət Komitəsi və Mənəvi Dəyərlərin Təbliği Fondunun təşkilatçılığı ilə Türkiyə, Gürcüstan və Azərbaycandan 40-dan çox din xadimi Naxçıvan Muxtar Respublikasına səfər edib. Nümayəndə heyətinə Türkiyənin Qars və İğdır vilayətlərindən gələn din xadimləri də daxil olub. Səfər çərçivəsində qonaqlar bölgənin tarixi abidələri ilə tanış olublar.