Xiaomi Redmi Turbo 4-ün satışa çıxması təxirə salındı

Çoxdan gözlənilən Xiaomi Redmi Turbo 4 seriyasının satışa çıxması gecikdirildi. Əvvəlki xəbərlərdə telefonların bu ay satışa çıxacağı bildirilsə də, Redmi-nin Baş Meneceri Vanq Tenq Tomas Weibo sosial şəbəkəsində satış tarixinin dəyişdiyini açıqlayıb.

Gecikmənin səbəbi dəqiq bilinməsə də, Redmi K80 seriyasının gözləniləndən yüksək satış göstəricilərinə görə, şirkətin yeni modelin satışına başlamazdan əvvəl mövcud modellərə daha çox diqqət ayırmaq qərarına gəldiyi deyilir.

Hazırda Redmi Turbo 4-ün dəqiq satış tarixi açıqlanmasa da, məlumatlara görə, əsas modelin yanvar 2025-ci ildə, Turbo 4 Pro modelinin isə aprel 2025-ci ildə satışa çıxması gözlənilir.

Telefonun gözlənilən xüsusiyyətləri: 1.5K çözünürlüklü düz OLED ekran, MediaTek Dimensity 8400 prosessoru, Immortalis-G720 MC7 qrafik prosessoru, 90 Vt sürətli şarj və təxminən 1500-2000 Yuan (205-275 dollar) qiymət aralığı.

Şayiələrə görə, Redmi Turbo 4 seriyası POCO X7 və F7 modellərinin yenidən brendləşdirilmiş versiyası olacaq. Ad və dizaynda fərq olsa da, əsas texniki göstəricilərin eyni olması gözlənilir.