Xiaomi özəl prosessoru ilə rəqabətə başlayır

Mobil prosessor bazarına öz adı ilə çıxış edəcək ilk çipsetini hazırlayan Xiaomi şirkəti, "Xring 01" adlı yeni prosessorunu təqdim etməyə hazırlaşır. Bu prosessor əvvəlcə şirkətin bayraqdar modeli olan Xiaomi 15s Pro telefonunda istifadə olunacaq.

Uzun müddətdir ki, tədqiqat və inkişaf işlərinə sərmayə qoyan Xiaomi, bu addımı ilə Qualcomm kimi nəhəng istehsalçılarla rəqabətə girməyi hədəfləyir. Xring 01, Snapdragon 8 Elite ilə müqayisə ediləndə, ilkin testlərdə geridə qalsa da, hələ inkişaf mərhələsindədir.

Sızdırılmış məlumata görə, Xring 01 dörd klasterli nüvə arxitekturasına malikdir: 2 ədəd 3.9 GHz-lik yüksək performanslı nüvə, 4 ədəd 3.4 GHz-lik performans nüvəsi, 2 ədəd 1.89 GHz-lik və 2 ədəd 1.8 GHz-lik enerji səmərəli nüvə. Qrafik prosessor kimi isə ARM əsaslı Mali-G925 istifadə olunur.

Benchmark testlərində Xring 01, birdəfəlik performansda 2413, çoxnüvəli performansda isə 8068 bal toplayıb. Snapdragon 8 Elite isə müvafiq olaraq 3000 və 10000 bal ətrafında nəticə göstərib. Lakin, proqram və aparat optimizasiyaları ilə bu fərqin azaldıla biləcəyi bildirilir.