Xiaomi-dən Yeni Güclü Bluetooth Dinamik

Yayın əvvəlində Türkiyə və Avropa bazarlarına çıxarılan Xiaomi-nin yeni səs gücü ilə seçilən “Sound Party” Bluetooth dinamikası artıq satışdadır. 5099 lirəyə satışa çıxarılan bu portativ cihaz 50 vatt gücündə səs çıxışı təmin edir. 15 vattlıq tvitter və 35 vattlıq vufer səs sisteminə malik olan dinamik, dərin bas effekti üçün xüsusi hazırlanmış Bass Boost rejimi və Harman AudioEFX səs tənzimləməsi ilə təchiz edilib.

Təxminən 1.2 kiloqram ağırlığında olan və gizli tutma sapı sayəsində rahat daşınan “Sound Party”, qara korpusu və narıncı detalları ilə diqqət çəkir. Ölçüləri 255 x 92 x 92 millimetr olan dinamik, IP67 sertifikatı sayəsində toz və suya davamlıdır. 38 vatt-saat batareya tutumuna malik cihaz, işıqlandırma və bas gücləndiricisi söndürüldükdə və səs səviyyəsi 50% olduqda 26 saata qədər fasiləsiz musiqi dinləməyə imkan verir. USB-C vasitəsilə sürətli şarj dəstəyi ilə 10 dəqiqə ərzində 2 saatlıq enerji yığır. Bundan əlavə, 15 vatt gücündə enerji bankı kimi də istifadə oluna bilər.

Bluetooth 5.4 texnologiyası ilə çalışan dinamik, Android 8.1 və daha yuxarı versiyalı cihazlarda NFC ilə tək toxunma ilə qoşulmanı dəstəkləyir. TWS rejimi sayəsində iki dinamik birləşdirilərək əsl stereo səs təmin edilir. “Sound Party”nin ən diqqət çəkən xüsusiyyəti isə 100-ə qədər dinamiyi eyni vaxtda sinxronlaşdıraraq nəhəng bir səs sistemi yaratmağa imkan verən “Party Connect” funksiyasıdır. Cihaz, musiqi ilə sinxronlaşan “vaxt tuneli” işıqlandırma sistemi və əlsiz zənglər üçün quraşdırılmış mikrofonla da təchiz edilib.