vivo X200 FE-nin satışa çıxması yaxındır!

Tezliklə satışa çıxacaq vivo-nun yeni kompakt bayraqdar telefonu X200 FE, Hindistan Standartlar Bürosu (BIS) məlumat bazasında V2503 model nömrəsi ilə qeydiyyata alınıb. Bu cihaz əvvəllər Avropada EEC, Malayziyada SIRIM və beynəlxalq səviyyədə TUV sertifikatlarını almışdı. Sertifikatlar ardıcıllığı telefonun satışa çıxmasının çox yaxın olduğunu göstərir.

vivo X200 FE nələr təklif edəcək?

vivo X200 FE-nin iyul ayında rəsmi olaraq təqdim olunması gözlənilir. Texniki xüsusiyyətləri ilə bağlı rəsmi təsdiq olmasa da, etibarlı mənbələr bəzi məlumatlar verib. Telefonun 6.31 düymlük 1.5K çözünürlüklü, 120 Hz yeniləmə tezliyinə malik LTPO OLED ekranı olacağı gözlənilir. Kamera baxımından isə, 50 MP əsas sensorlu, 8 MP ultrasenig lensli və 50 MP periskoplu telefoto lensli üçlü arxa kamera sistemi ilə təchiz olunacağı bildirilir. Ön kameranın isə 50 MP olacağı gözlənilir. Telefon MediaTek Dimensity 9400e prosessoru ilə işləyəcək və 6500 mAh batareyaya, 90 Vt sürətli şarj dəstəyinə malik olacaq. Bundan əlavə, X200 FE-nin Android 15 əsaslı FunTouch OS 15 ilə işləyəcəyi deyilir. Telefon iki variantda satışa çıxacaq: 12 GB RAM və 256 GB yaddaş, 16 GB RAM və 512 GB yaddaş. Qiymətinin 580-700 dollar arasında olacağı gözlənilir. Sonda isə, X200 FE-nin vivo S30 Pro Mini-nin yenidən brendinqlənmiş versiyası ola biləcəyi düşünülür.