Tesla Türkiyədə Yeni İş Elənləri Açıqladı

Elektrikli avtomobil nəhəngi Tesla, Türkiyədəki xidmət şəbəkəsini genişləndirmək üçün yeni iş elanları açıqlayıb. Şirkət Ankara, İstanbul, İzmir və Anadolu'nun müxtəlif şəhərlərində daimi və müvəqqəti iş yerləri təklif edir.

Avtomobil texniki vəzifələri xüsusilə diqqət çəkir. Texniklər Ankara, İstanbul Bakırköy və Tuzla'dakı mövcud xidmət mərkəzləri üçün işə qəbul olunur, eyni zamanda Diyarbakır, Qaziantep və Ankara kimi şəhərlərdə səyyar xidmət texniki vəzifələri də açılıb. Bu, Teslanın Türkiyədə daha geniş sahə dəstək şəbəkəsi qurmaq niyyətini göstərir.

Hal-hazırda İstanbul və Ankarada xidmət mərkəzləri olan Tesla, bu addımla satış sonrası xidmətlərini genişləndirir. Şirkətin mövcud şarj infrastrukturu ilə birlikdə nəzərə alındıqda, bu inkişaf planları Teslanın Türkiyə bazarına daha geniş çıxış əldə etməyi planlaşdırdığını göstərir. Şirkətin Ankara, İstanbul, Antalya, Bolu, Edirne və Aydın da daxil olmaqla 16 yerdə aktiv Supercharger stansiyası fəaliyyət göstərir.

Qeyd edək ki, Avqust ayında Model Y ilə Türkiyənin ən çox satılan avtomobili olan Tesla, 8730 ədəd satışla yanaşı, yanvar-avqust ayları arasında 25756 ədəd satışla ən çox satılan elektrikli avtomobil brendi adını da qazanıb. Şarj stansiyalarında öz avtomobilləri və digər markaların avtomobilləri üçün fərqli qiymətləndirmə tətbiq etməsi də diqqət çəkir. Tesla sahibləri kWh başına 8.50 TL, digər markaların sahibləri isə 10.60 TL ödəyirlər. Şarjdan sonra stansiyada qalan avtomobillər üçün dəqiqədə 20 TL gözləmə haqqı tətbiq olunur.