Samsung Fəaliyyətsiz Hesabları Silməyə Hazırdır!

Samsung, uzun müddət fəaliyyətsiz qalmış istifadəçi hesablarını sistemdən silməyə hazırlaşır. Şirkətin rəsmi elektron poçt məlumatında bildirildiyi kimi, 24 ay ərzində istifadə olunmayan Samsung hesabları 31 iyul 2025-ci il tarixindən etibarən silinəcək.

Silinən hesablarla yanaşı, bu hesablarla bağlı bütün məlumatlara da istifadəçilərin girişi bağlanacaq. Samsung hesabın silinməsindən sonra məlumatların geri qaytarılmasının mümkün olmadığını aydın şəkildə bildirir. Silinmə prosesindən əvvəl istifadəçilərə məlumat veriləcək və xəbərdarlıq ediləcək.

Şirkətin bu prosesi əvvəlcədən istifadəçiyə məlumat verərək həyata keçirəcəyi görünür. Bəzi xüsusi hallar bu qaydadan istisna olunub. Ailə hesabı kimi qeyd olunan profillər, Samsung mağazalarından alış-veriş edən hesablar və ya müəyyən bonus sistemlərinə daxil olan istifadəçilər yeni qaydadan kənarlaşdırılıb. Bu istisnalar göndərilən elektron poçtlarda ətraflı izah edilib.

Samsung, eyni zamanda, xidmət şərtlərində də dəyişikliklər edir. Bundan sonra şirkət istifadəçiləri yalnız hüquqi dəyişikliklər barədə deyil, həm də məhsul və xidmət yenilikləri barədə elektron poçt vasitəsilə məlumatlandıracaq. Bu kontekstdə istifadəçilərlə əlaqə tezliyinin və əhatə dairəsinin genişləndiriləcəyi bildirilir.

Samsung tərəfindən tətbiq olunan bu yeni yanaşma rəqəmsal təmizlik və məlumat təhlükəsizliyi baxımından istifadəçi vərdişlərinə də birbaşa təsir edə bilər. 31 iyula qədər fəaliyyətsiz hesablar daxil olunmazsa, bu hesablar və onların məzmunu tamamilə silinəcəyi təsdiq edilib.