OnePlus Ace 5-in dizaynı açıqlandı!

Bu ay təqdim olunması gözlənilən OnePlus Ace 5 seriyasının rəsmi elanları davam edir. Çin brendi artıq standart modelin ön panel dizaynını nümayiş etdirdi. Bəs bu smartfon necə görünəcək? OnePlus Ace 5 necə olacaq? Şirkət tərəfindən paylaşılmış şəkillərə əsasən, OnePlus Ace 5 nazik çərçivələrlə əhatə olunmuş düz ekranla təchiz olunub. Bundan əlavə, "punch-hole" dizaynı olacaq. Təəssüf ki, istehsalçı telefonun ekranı ilə bağlı heç bir texniki detalı açıqlamayıb. Şəkillər smartfonun metal çərçivəyə sahib olacağını da göstərir. Lakin, arxa panel haqqında məlumatlar hələlik məlum deyil. Etibarlı mənbələr bu məsələ ilə bağlı əhəmiyyətli yeniliklərin bu həftənin sonlarında ortaya çıxa biləcəyini bildirirlər. PKG110 model nömrəli OnePlus Ace 5, bu yaxınlarda Geekbench verilənlər bazasında görünmüşdür. Bəs smartfon nə təklif edir? Ace 5, tək nüvəli testdə 2212, çoxnüvəli testdə isə 6961 bal toplayaraq bəzi texniki xüsusiyyətlərini dolayı yolla ortaya qoydu.

Hazırda təsdiqlənmiş xüsusiyyətlər:

Prosessor: Snapdragon 8 Gen 3
RAM: 16GB LPDDR5X
Yaddaş: 512GB UFS 4.0
Ekran: 1.5K çözünürlükdə BOE OLED düz ekran
Arxa kamera: 50MP + 8MP + 2MP üçlü kamera
Ön kamera: 16MP
Batareya: 6300mAh ilə 6500mAh arasında
Sürətli şarj: 100W