One UI 7 Beta Sınağı Nə Vaxt Başlayacaq?

Android 15 yeniləmələrinin artıq smartfon istehsalçıları tərəfindən yayımlanmasına baxmayaraq, əvvəlki yeniləmələrdə sürəti ilə tanınan Samsung bu dəfə geridə qalıb. İnkişaf prosesindəki problemlər səbəbindən Android 15 əsaslı One UI 7 yeniləməsi bir neçə dəfə təxirə salınıb və hələ beta mərhələsi belə başlamayıb.

Ancaq son məlumatlara görə, vəziyyət tezliklə dəyişə bilər. Tanınmış texnologiya sızdırıcısı Tarun Vats, Samsungun One UI 7 beta prosesinə dair son inkişafları paylaşdı. Lakin onun məlumatları, testlərin dekabr ayının əvvəlində başlayacağına dair əvvəlki şayiələrə zidddir. Vatsın dediyinə görə, Cənubi Koreya brendi Galaxy S24 seriyası üçün testlərə dekabr ayının ortalarında başlayacaq.

Mənbə vurğulayır ki, beta testi əvvəlcə ABŞ, Cənubi Koreya və Almaniyadakı modellərdə aparılacaq və tədricən Hindistan, Polşa, Böyük Britaniya və Çin kimi ölkələrə genişlənəcək. Əgər bu sızdırılan məlumatlar doğrudursa, stabil versiyanın buraxılışı 2025-ci ilin fevral ayının sonuna qədər təxirə salına bilər. Yəni, bunların sadəcə iddialar olduğunu və şirkətdən rəsmi açıqlama gözləməyin daha ağıllı bir hərəkət olduğunu unutmaq olmaz.

Təsdiq olunmasa da, beta proqramına aşağıdakı modellərin daxil olması gözlənilir: Galaxy S Seriyası: S24, S24+, S24 Ultra, S24 FE, S23, S23+, S23 Ultra, S23 FE, S22 Ultra, S22+, S22, S21, S21+, S21 Ultra, S21 FE; Galaxy Z Seriyası: Z Fold 6, Z Flip 6, Z Fold 5, Z Flip 5, Z Fold 4, Z Flip 4, Z Fold 3, Z Flip 3; Galaxy A Seriyası: A55, A54, A35