Nvidia-dan İlk Prosessor: N1X Gəlir!

Uzun müddət sızmalar vasitəsilə adını eşitdiyimiz Nvidia-nın ilk ARM əsaslı kompüter prosessoru N1X, Geekbench 6 test nəticələri ilə özünü göstərdi. Test məlumatları, şirkətin masaüstü və noutbuk bazarına girmək üçün səylərinin nə qədər irəlilədiyini üzə çıxardı.

20 nüvəli və 20 sancıqlı quruluşa sahib N1X prosessoru, Geekbench verilənlər bazasında yer aldı. Baz frekansı 2.81 GHz olaraq ölçülən çip, 4.05 GHz-ə qədər sürətlənə bilir. Tək nüvədə 3096, çoxnüvədə isə 18837 bal toplayıb. Bu nəticələr Apple-ın M4 Max prosessorunun (müvafiq olaraq 3986 və 26190 bal) gerisində qalsa da, AMD Ryzen 9 8950HX və Intel Core Ultra 9 285H kimi x86 əsaslı rəqiblərini geridə qoyur. Hətta AMD-nin süni intellekt dəstəkli Ryzen AI MAX 395 modelini tək nüvə testlərində, Ryzen AI HX 370 modelini isə həm tək, həm də çoxnüvə testlərində üstələyir.

Testlər, hələ satışa çıxarılmayan, kod adı 8EA3 olan bir HP modelində aparılıb. Ubuntu 24 əməliyyat sistemi ilə işləyən bu cihazda diqqət çəkən bir detal da yaddaş həcmidir: 119 GB RAM! N1X-in nüvə quruluşu əvvəlki sızmalarla üst-üstə düşür: 10 yüksək performanslı Cortex-X925 və 10 enerji səmərəliliyinə yönəlmiş Cortex-A725 nüvədən ibarət olduğu təxmin edilir. Bu arxitektura, xüsusilə ARM dünyasında ilk dəfə belə yüksək performanslı çoxnüvəli bir quruluş təqdim etməyi hədəfləyir.

Qrafik prosessor (GPU) tərəfi hələ dəqiq deyil. Lakin eyni silikon üzərində yerləşəcəyi təqdirdə, çipin təxminən 6144 CUDA nüvəli bir qrafik bölməsinə sahib olması gözlənilir. Bu da RTX 5070 səviyyəsində performans deməkdir. Əgər bu ehtimal gerçəkləşərsə, Nvidia N1X yalnız prosessor gücü ilə deyil, həm də qrafik performansı ilə rəqabətin gedişatını dəyişə bilər. Şirkətin yeni prosessorunu 2025-ci ildə və ya ən geci 2026-cı ilin əvvəllərində satışa çıxarması gözlənilir.