Nothing Headphone (1) Artıq Satışda!

Texnologiya dünyasında böyük bir yenilik! Nothing şirkəti, tarixində ilk dəfə olaraq simsiz qulaqlıq modelini - Nothing Headphone (1) - təqdim etdi. 299 avro qiyməti ilə satışa çıxarılan qulaqlıq, dizaynı ilə diqqət çəkib. Adət kənarına çıxan görünüşü müxtəlif rəylərə səbəb olub.

Səs texnologiyaları sahəsində tanınmış KEF şirkəti ilə əməkdaşlıq nəticəsində yaradılan Nothing Headphone (1), həm səs keyfiyyəti, həm də texniki xüsusiyyətləri ilə fərqlənir. 40 mm sürücülərlə təchiz olunan qulaqlığın çəkisi 329 qramdır. Bəzi rəqibləri ilə müqayisədə ciddi fərqlərə malikdir: Sony WH-1000XM6-dan 77 qram ağır, Apple AirPods Max-dan isə 55 qram yüngüldür.

Bluetooth 5.3 vasitəsilə qoşulan qulaqlıq AAC, SBC və Hi-Res Audio (LDAC) standartlarını dəstəkləyir. Aktiv səs-küyün ləğv edilməsi (ANC) funksiyası da mövcuddur. Batareyanın iş müddəti qoşulma formatından və ANC istifadəsindən asılıdır. AAC ilə ANC aktiv olduqda 35 saat, ANC söndükdə 80 saat işləyir. LDAC ilə isə ANC aktiv olduqda 30 saat, söndükdə 54 saat işləmə müddəti təklif olunur. Quraşdırılmış Google Fast Pair və Microsoft Swift Pair dəstəyi sayəsində qulaqlıq başdan çıxarıldığı anda aşkarlanır və əlaqə sistemləri ilə sinxronlaşır.

Yaxın gələcəkdə Azərbaycan bazarında da satışa çıxarılması gözlənilir.