MSI-dən Süni Zəka ilə Təchiz Olunmuş Yeni Monitor

Kompüteks 2025 sərgisində MSI şirkəti oyunçular üçün nəzərdə tutulmuş yeni nəsil monitoru - MPG 271QR QD-OLED X50 modelini təqdim etdi. QD-OLED paneli ilə fərqlənən bu monitor, inteqrasiya olunmuş süni zəka əsaslı kamera sistemi ilə istifadəçinin hərəkətlərini real vaxtda izləyir.

Ekranın alt hissəsinə yerləşdirilmiş "AI Care Sensor" adlı kamera sistemi diqqət çəkir. Kamera, istifadəçini hər 0.2 saniyədə bir müşahidə edərək, saniyədə beş dəfə analiz aparır. Beləliklə, monitor qarşısında insan olub-olmamasını anlayan sistem, lazım gəldikdə ekran parlaqlığını azaldır və ya avtomatik olaraq yuxu rejiminə keçirir. Bu texnologiya, xüsusilə QD-OLED ekranlarda uzun müddət yüksək parlaqlıq səbəbindən baş verə bilən ekran yanması problemidir həll edir.

AI Care Sensor, Neyron Prosessor Vahidi (NPU) vasitəsilə işləyən süni zəka mühərriki tərəfindən dəstəklənir. Sistem istifadəçini izləsə də, çəkilən şəkillər heç bir şəkildə cihazda saxlanılmır və ya buluda ötürülmür. İstəyən istifadəçilər bu sistemi tamamilə söndürə bilərlər. Monitor, həmçinin 27 düymlük QD-OLED panel, VESA ClearMR 21000 və DisplayHDR True Black 500 kimi mühüm sertifikatlara malikdir. Panelin yeniləmə tezliyi 500 Hz-ə qədər çıxa bilir. MSI monitorun cavab müddətini 0.03 ms GTG olaraq açıqladı. MSI MPG 271QR QD-OLED X50 modelinin tövsiyə olunan pərakəndə satış qiyməti 899 dollar elan edilib. Cihaz 17 iyul 2025-ci il tarixindən etibarən dünya bazarına çıxarılacaq.