"Kalmar Oyunu 2-ci mövsümünün treyleri yayımlandı!"

Dünyada izlənmə rekordları qıran Netflix platformasının fenomen serialı "Kalmar Oyunu" ikinci mövsümü ilə tamaşaçılarının qarşısına çıxmağa hazırlaşır. Bütün gözləntinin zirvədə olduğu yeni mövsümün rəsmi əsas treyleri nəhayət yayımlandı. Çox gözlənilən yeni mövsüm daha qaranlıq, daha təhlükəli və daha maraqlı bir hekayə vəd edir. "Kalmar Oyunu 2", izləyiciləri yenidən ekranlara bağlayacaq bir macəra ilə gəlməyə hazırlaşır.

Netflix tərəfindən yayımlanan yeni treyler həm yeni oyunlar, həm də tanış simaların işarələri ilə böyük marağa səbəb olur. Heyecan verici serial, 456-cı oyunçunun hiyləgər bir planla oyuna qayıdışını izləyən birbaşa davam hekayəsi təqdim edir. Yarışmanı qazanandan üç il sonra Amerikaya getməkdən əl çəkən 456-cı oyunçu bu amansız oyuna son qoymaq üçün yeni bir qərarla geri dönür. Gi-hun bir daha sirli sağ qalma oyununa qərq olur və 45.6 milyard von qazanmaq üçün toplanmış yeni iştirakçılarla həyat və ölüm oyununa başlayır.

"Kalmar Oyunu"nun 2-ci mövsümündə rejissor və ssenarist kimi Hwang Dong-hyuk yenidən görünür. Li Conc-ce, Li Byonq-hun, Vi Ha-cun və Konq Yu birinci mövsümdən rollarını təkrarlayırlar. Eyni zamanda, Yim Si-van, Kanq Ha-nul, Park Kyu-yonq, Li Cin-uk, Park Sonq-hun, Yanq Donq-qun, Kanq Ae-sim, Li David, Çoy Sonq-hyun, Ro Ce-von, Co Yu-ri və Von Ci-an kimi aktyorlar da aktyor heyətinə daxil edilib.