İPhone 17 Air: İncəliyi ilə diqqət çəkəcək sürpriz yenilik!

Bu ilin sonlarında təqdim olunacağı gözlənilən iPhone 17 Air üçün geriyə sayım başlayıb. Sentyabr ayında satışa çıxacağı ehtimal olunan modelin dizaynı və xüsusiyyətləri ilə bağlı artıq bir neçə məlumat yayılıb. Bu məlumatlar telefonun incəliyi ilə seçiləcəyini və istifadəçilərə xoş təcrübə yaşatacağını göstərir. İndi isə telefon haqqında yeni detallar üzə çıxıb.

Etibarlı texnologiya məlumatçısı Majin Bu-nun verdiyi məlumata görə, iPhone 17 Air-in özünəməxsus bir xüsusiyyəti var: ön kameranın yerləşdirilməsi. Seriyadakı digər modellərdən fərqli olaraq, selfi kamerası ekranın sol tərəfində yerləşəcək. Bildiyiniz kimi, mövcud və gələcək iPhone modellərində ön kamera ümumiyyətlə ekranın yuxarı hissəsinin ortasında, Face ID sensorunun sağ tərəfində yer alır. Lakin Air modelində vəziyyət fərqli olacaq. Sızdırılmış ekran qoruyucusu şəkillərinə əsasən, ön kamera indi solda yerləşəcək.

Bu dəyişikliyin səbəbi hələlik aydın deyil. Lakin mənbəyə görə, bunun səbəbi telefonun incə dizaynı ola bilər. Daha böyük ekran və incə quruluş daxili komponentlərin fərqli şəkildə düzülməsini tələb edə bilər. Apple-ın Face ID sensorunu bu yeni dizaynda yerləşdirmək üçün ön kameranı sola köçürdüyü düşünülür. Əlbəttə, bütün bu məlumatların sızdırılmış məlumatlara əsaslandığını və təsdiq üçün Apple-dan rəsmi açıqlama gözləməyin daha yaxşı olduğunu qeyd etmək lazımdır.