İndoneziyada iPhone 16 istifadə edənlər həbs olunacaq!

İndoneziyada iPhone 16 istifadə edənlər həbs olunacaq!

Bildiyiniz kimi, keçən həftələrdə iPhone 16 satışının İndoneziyada müxtəlif iqtisadi qaydaları pozması səbəbindən qadağan olunduğunu qeyd etmişdik. Apple və İndoneziya hökuməti arasında gedən mübahisənin tez həll olunacağı gözlənilsə də, vəziyyət daha da gərginləşdi. Hökumət indi iPhone 16 istifadəçilərinin hüquq-mühafizə orqanlarına bildirilməsini tələb edir. iPhone 16 istifadə etmək ciddi cinayət halına gəldi!

İndoneziya hökuməti şirkət ilə yatırım mübahisəsi səbəbindən Apple cihazlarının yeni nəslində sərt mövqe tutmağa davam edir. Ölkənin Sənaye Naziri Agus Gumiwang Kartasasmita iPhone 16-nın satışını və istifadəsini ölkə miqyasında qeyri-qanuni elan etdi.

Kartasasmita naziri bildirib ki, "İndoneziyada iPhone 16 cihazının işlədiyinin aşkar edilməsi halında, bunun qeyri-qanuni olduğunu təsdiqləyə bilərəm. Bu cihazları bizə bildirin". Bu qərar yalnız iPhone 16-ya deyil, həm də 16 Pro seriyasına və Apple Watch Series 10 kimi yeni Apple məhsullarına da aiddir.

Nazir əlavə edib ki, iqtisadi sanksiyaların yanında bu proses hətta həbs cəzası ilə nəticələnə bilər. Apple CEO-su Tim Cookun keçən aprel ayında Cakartaya səfəri zamanı prezident Joko Widodo ilə görüşüb istehsal müəssisələrinin yaradılma imkanlarını müzakirə etməsinə baxmayaraq, konkret addımların olmaması gərginliyi daha da artırdı.

Sənaye Nazirliyinin sözçüsü Febri Hendri Antoni Arif iPhone üçün TKDN sertifikatının təqdim edilməsinin hələ də araşdırıldığını, lakin Apple öz investisiya öhdəliklərini yerinə yetirməsə, bu proses davam etməyəcəyini izah edib. Gələcək günlərdə bu vəziyyətin haraya gedəcəyini gözləyəcəyik.