Hyundai INSTER Azərbaycana gəlir!

May ayından etibarən Azərbaycan yollarında görünəcək yeni Hyundai INSTER elektrik avtomobili, "İlin Ən Yaxşı Elektrikli Avtomobili" adını qazanmışdır. İlk öncə Advance avadanlıq paketi ilə satışa çıxarılacaq bu kompakt elektrikli model, daha idman görünüşlü Cross versiyası ilə də tezliklə bazara çıxacaq.

49 kWh tutumlu NMC batareyası sayəsində WLTP standartlarına görə 360 kilometrə qədər məsafə qət edə bilən INSTER, hazırda Azərbaycan bazarında A-SUV seqmentində ən yüksək məsafəni təklif edir. 120 kW sürətli DC şarjı dəstəkləyən modelin batareyası təxminən 30 dəqiqədə 10%-dən 80%-ə qədər şarj olunur.

Ancaq INSTER yalnız məsafəsi ilə deyil, həm də zəngin avadanlığı ilə də diqqət çəkir. 3825 mm uzunluğa və 2580 mm təkər bazasına malik olan avtomobil, 84.5 kW (113 at gücü) gücündə elektrik mühərriki ilə təchiz olunmuşdur. 10.25 düymlük rəqəmli multimedia ekranı, simsiz şarj cihazı, qızdırılan ön oturacaqlar, günəş damı və istilik pompası kimi müasir texnologiyalarla təchiz olunmuşdur.

Kompakt ölçülərinə baxmayaraq geniş və rahat interyeri ilə şəhər şəraitində istifadə rahatlığına üstünlük verən INSTER, rahat idarəetməsi, dinamik dizaynı və texnoloji həlləri ilə Hyundai-nin elektrikli avtomobil çeşidində mühüm yer tutacaq. Lakin, Advance avadanlıq paketində bütün bu xüsusiyyətlər mövcud olmaya bilər. Ətraflı texniki avadanlıq siyahısı may ayındakı təqdimatda açıqlanacaq.