Huawei-nin Yeni Lüks Avtomobili: Maextro S800

Şanxay Avtomobil Sərgininə təqdim olunan Huawei Maextro S800, şirkətin Harmony İntelligent Mobility Alliance (HIMA) altında fəaliyyət göstərən dördüncü və ən prestijli brendi kimi mövqeləndirilmişdir. Avtomobilin innovativ daxili dizaynı xüsusilə diqqət çəkir. Ön konsolda üç ekranlı quruluş, tavan hissəsində isə ulduz effektinə malik xüsusi işıqlandırma sistemi yer alır.

26 Noyabr 2024-cü ildə təqdim olunan Maextro S800-ün qiyməti 137.000 - 205.000 dollar arasında dəyişir. Huawei rəhbərlərindən biri olan Richard Yu, fevral ayında avtomobilin may ayının sonunda satışa çıxarılacağını açıqlamışdı. Maextro S800 genişləndirilmiş diapazonlu elektrik avtomobili (EREV) və tam elektrikli (BEV) olmaqla iki versiyada təklif olunur.

Hər iki versiyanın uzunluğu 5480 mm, eni 2000 mm, hündürlüyü 1536 mm və təkər bazası 3370 mm-dir. Dörd və beş yerlik salon variantları mövcuddur. EREV versiyası 65 kWh tutumlu 800V yüksək gərginlikli batareyayla təchiz olunub. 6C sürətli şarj dəstəyi sayəsində batareya 10%-dən 80%-ə qədər cəmi 10,5 dəqiqədə doldurula bilir. BEV versiyasında isə 5C dəstəkli batareya sistemi 12 dəqiqə ərzində oxşar şarj prosesini həyata keçirir.

Bu model haqqında fikirləriniz necədir? Siz Huawei markalı avtomobil almağı düşünərsinizmi?