Honor Magic V5: Yüngüllüyü ilə rekord qıracaq?

İyunun 2-də Honor şirkəti yeni qatlanan smartfonu Magic V5-i təqdim edəcək. Şirkətin baş direktoru Corc Zhao cihazın indiyədək istehsal olunmuş ən yüngül və incə qatlanan smartfon olacağını elan etdi. Zhao, Magic V5-in qatlanan telefon kateqoriyasında yeni bir era başlatacağını bildirdi.

Magic V5, incə dizaynı ilə diqqət çəkəcək. Modelin ölçüləri hələ rəsmi olaraq paylaşılmasa da, mövcud sızmalar qatlananda təxminən 8 mm qalınlığında və 210-219 qram arasında çəkidə olacağını göstərir. Əgər bu dəyərlər doğrudursa, Magic V5 öz sinfində ən portativ model olacaq.

Texniki xüsusiyyətlərinə gəldikdə isə, Honor Magic V5 daxili tərəfdə 7.95 düymlük 2K+ çözünürlüklü LTPO OLED ekran, xarici hissədə isə 6.45 düymlük ikinci ekran ilə təchiz olunub. Cihazın prosessoru Qualcomm-un yüksək səviyyəli Snapdragon 8 Elite Leading Version modeli olacaq. 4.47 GHz-ə qədər çata bilən saat sürəti və 1200 MHz-də işləyən GPU, cihazın süni intellekt tətbiqləri və gündəlik performansda yüksək səviyyəli təcrübə təmin etməsinə imkan verir.

Magic V5, batareya tutumu ilə də diqqət çəkir. 6100 mAh batareya, bu günə qədər qatlanan formada təklif olunan modellər arasında ən yüksək dəyəri təmsil edir. 80 Vt sürətli şarj dəstəyinə əlavə olaraq, cihaz simsiz şarj xüsusiyyətinə də malik olacaq. Telefonun kamera sisteminin də olduqca iddialı olduğunu deyə bilərik. Arxa tərəfdə 200 MP çözünürlüklü əsas kamera mövcuddur. Təhlükəsizlik baxımından, barmaq izi oxuyucusu cihazın yan tərəfində yerləşdirilib. Bundan əlavə, Beidou peyki mesajlaşma xüsusiyyəti sayəsində telefon əhatə dairəsinin kənarında da rabitə təklif edir.

İncə dizaynı ilə trend mövzu halına gələn V5-in yalnız 8 mm qalınlığında olacağı deyilir.