Günəş Enerjili Logitech K980 Klaviaturası Təqdim Olundu

Logitech şirkəti Mac istifadəçiləri üçün nəzərdə tutulmuş yeni incə simsiz klaviaturası - Signature Slim Solar+ K980-i təqdim etdi. Xaricdən adi bir klaviatura kimi görünən bu cihazın ən böyük xüsusiyyəti isə tamamilə günəş enerjisi ilə işləməsidir. Bu da şarj problemi ilə vidalaşmağınız deməkdir.

Logitech K980 klaviaturasını günəş işığı olmadan da istifadə edə bilərsiniz. Günəş enerjili olması səbəbindən “pəncərənin qarşısında olmalıdır ki, işləsin?” sualını verə bilərsiniz. Cavab isə “xeyr”dir. Signature Slim Solar+ K980, masanızdakı masa lampaları və ya ətrafdakı süni işıqlar vasitəsilə də şarj olunur. Hətta heç bir işıq mənbəyinə məruz qalmadan, tam qaranlıqda dörd aya qədər işləyə bilir.

Günəş enerjili şarjdan əlavə, klaviatura tam ölçülü dizaynı ilə seçilir. Bəzi istifadəçilər üçün vacib olan rəqəm paneli də daxildir. Klavişlərin rahatlığı uzun yazma seanslarında da özünü göstərir. Logitech’in Options+ proqramı ilə klaviaturanı öz zövqünüzə uyğunlaşdıra və bəzi düymələri yenidən təyin edə bilərsiniz. Mac üçün xüsusi olaraq optimallaşdırılmış klaviaturada bütün Mac-ə xas düymələr mövcuddur. Qrafit rəngində olan bu klaviatura, Mac ekosisteminə mükəmməl inteqrasiya olunur.

Signature Slim Solar+ K980 artıq Amazon-da 99 dollara satışdadır. Bu qiymətə, Apple'ın Numpad ilə Magic Keyboard'una daha əlverişli bir alternativ təklif edir. Bundan əlavə, şarj problemi olmaması onu çox cəlbedici bir seçim halına gətirir.