Galaxy Z Fold 7: İnnovasiyanın Zirvəsi

Samsung, 2025-ci ilin çoxdan gözlənilən Galaxy Unpacked tədbirində tamamilə yeni qatlanan telefonunu - Galaxy Z Fold 7-ni təqdim etdi. Galaxy Z Fold 7, Galaxy Z Flip 7, büdcəyə uyğun Galaxy Z Flip 7 FE və yeni nəsil Galaxy Watch 8 və Galaxy Watch 8 Classic smart saatları ilə texnologiya dünyasında yeni bir standart qoydu.

"Ultra Açılır" şüarı ilə təqdim olunan Galaxy Z Fold 7, gözləntiləri üstələyən bir cihaz kimi seçilir. Qatlanan dizayn və mühəndisliyin sərhədlərini genişləndirən bu model, incəliyi ilə seçilir. Fold seriyasında ən incə model olan Z Fold 7 qatlananda 8.9 mm, açılanda isə cəmi 4.2 mm qalınlığındadır. Bu incəlik, cihazın 215 qram ağırlığı ilə birlikdə, onu əvvəlki model olan Galaxy Z Fold 6 (239 q) və hətta rəqibi iPhone 16 Pro Max (227 q)-dan xeyli yüngül və daha əlverişli edir.

Telefonun əsas ekranı 8.0 düymlük QXGA+ (2184×1968) Dynamic AMOLED 2X paneldən ibarətdir. 368 ppi piksel sıxlığı və 1-120 Hz adaptativ yeniləmə tezliyinə malik bu ekran, Samsung-un imza xüsusiyyəti olan əla istifadəçi təcrübəsi vəd edir. Adaptativ yeniləmə tezliyi, kontentin növünə əsasən dinamik olaraq tənzimlənir və hamar animasiyalar təqdim edərək batareyanın ömrünü uzadır. Telefon bağlandıqda smartfon təcrübəsi təqdim edən 6.5 düymlük FHD+ (2520×1080/21:9) Dynamic AMOLED 2X örtük ekranı isə 422 ppi piksel sıxlığı və 1-120 Hz adaptativ yeniləmə tezliyi ilə seçilir.

Əsas kameralara keçək. 200MP əsas kamera (f1.7, OIS, 0.6µm, 85°), xüsusilə az işıq şəraitində, əla detallar və canlı rənglər tutmaq qabiliyyətinə malik Samsung-un ən yeni mobil sensorudur. 12MP Ultra Geniş Bucaq (f2.2, 1.4µm, 120°) linza geniş mənzərələri, memarlıq quruluşlarını və qrup şəkillərini bir çərçivədə ələ almaq üçündür. 10MP Telefoto (F2.4, 1.0 µm, 36°, 3x optik zum, 30x Space Zoom rəqəmsal) linza isə keyfiyyətdən əl çəkmədən uzaqdakı obyektləri yaxınlaşdırmağa imkan verir. 30x Space Zoom rəqəmsal zum funksiyası uzaqdakı obyektləri belə heyrətamiz aydınlıqla ələ almağa imkan verir.

Galaxy Z Fold 7, ən son 3nm texnologiyası ilə istehsal olunan Qualcomm-un Snapdragon 8 Elite for Galaxy prosessoru ilə işləyir. Cihaz 16GB RAM + 1TB yaddaş, 12GB RAM + 512GB yaddaş və 12GB RAM + 256GB yaddaş variantlarında təqdim olunur. 4,400mAh ikili batareyaya sahib olan Galaxy Z Fold 7, 25W sürətli şarj ilə təxminən 30 dəqiqədə %50 şarj olur. Bundan əlavə, Fast Wireless Charging 2.0 və Wireless PowerShare sayəsində özünü və digər Qi uyğun cihazları sürətlə simsiz şarj edə bilir.

Samsung, Z Fold 7 ilə davamlılığı yeni səviyyəyə qaldırır. Cihaz IP48 suya və toza davamlıdır. Örtüyü Gorilla Glass Ceramic 2, arxası isə Gorilla Glass Victus 2-dən hazırlanır. Cihazın korpusu isə əlavə möhkəmlik üçün Advanced Armor Alüminium ilə möhkəmləndirilib. Galaxy Z Fold 7, ən son Android 16 əsaslı One UI 8 ilə təchiz olunub. 5G, LTE, Wi-Fi 7 və Bluetooth 5.4 kimi ən son simsiz standartlarını dəstəkləyir. Yan tərəfdə yerləşən barmaq izi oxuyucusu sürətli və etibarlı kilidləmə təmin edir. Galaxy Z Fold 7, Mavi Kölgə, Gümüş Kölgə, Jet Qara və Yalpız rənglərində mövcuddur. Qiyməti hələ açıqlanmayıb.