Elektrikli Avtomobil Satışı Avropada Geriləməyə Davam Edır

2024-cü ilin noyabr ayında Avropa avtomobil bazarında elektrikli avtomobil satışlarında yenidən geriləmə müşahidə olunub. Avropa Avtomobil İstehsalçıları Assosiasiyasının (ACEA) məlumatına görə, noyabr ayında Avropa Birliyində cəmi 869.816 avtomobil qeydiyyata alınıb və bazar 1.9% azalıb. Bu, sanki bazar oyunçularını, xüsusilə elektrikli avtomobil istehsalçılarını, dərin bir düşüncəyə salıb.

Öncəki ay (oktyabr) 1.1% artım qeydə alınsa da, noyabr ayındakı azalma əsasən Fransa (-12.7%) və İtaliya (-10.8%) bazarlarındakı zəif göstəricilərlə əlaqələndirilir. Almaniya isə 0.5% artımla vəziyyəti sabitləşdirə bilib. Ən yaxşı göstərici isə 6.4% artımla İspaniyaya məxsusdur. Ümumiyyətlə, 2024-cü ilin yanvar-noyabr ayları ərzində Avropa Birliyində 9.726.049 avtomobil qeydiyyata alınıb ki, bu da ümumi avtomobil sayında cəmi 0.4% artım deməkdir. İspaniya 5.1% artımla müsbət göstərici nümayiş etdirib, Fransa (-3.7%), Almaniya (-0.4%) və İtaliya (-0.2%) isə geriləmə yaşayıb.

Böyük Britaniya və EFTA ölkələri də daxil olmaqla, ilin əvvəlindən bəri cəmi 11.876.655 avtomobil qeydiyyata alınıb, bu da 0.6% artım deməkdir. Noyabr ayında elektrikli avtomobil qeydiyyatları 9.5% azalaraq 130.757 ədədə düşüb. Bu azalmanın əsas səbəbləri arasında Almaniyada (-21.8%) və Fransada (-24.4%) baş verən ciddi geriləmələrdir. İlin əvvəlindən bəri elektrikli avtomobil qeydiyyatları ötən ilin eyni dövrü ilə müqayisədə 5.4% azalıb. Noyabr ayında elektrikli avtomobillər bazarın 15%-ni, il ərzində isə 13.4%-ni təşkil edib. Hibrid avtomobillərin satışı da 8.8% azalıb.

Benzinli avtomobillərin satışında da 7.8% azalma müşahidə olunub. Fransada bu azalma 31.5% olub. Dizel avtomobillərinin qeydiyyatı isə 15.3% azalaraq bazarın yalnız 10.6%-ni təşkil edib. Volkswagen Qrupu noyabr ayında 4.1% artım qeydə alıb. Stellantis Qrupu isə 10.1% azalma ilə çətin bir dövr keçirib.