BYD və TAILG elektrik motosiklet bazarına girəcək

Çin avtomobil bazarının aparıcı şirkətlərindən biri olan BYD, elektrik motosiklet istehsalına öz töhfəsini vermək üçün nəhəng TAILG şirkəti ilə əməkdaşlığa başlayıb. Son illərdə baş verən elektrik motosiklet yanğınları nəzərə alınaraq, təhlükəsizlik məsələsi ön plana çəkilib.

Bu əməkdaşlıq çərçivəsində, BYD-in FinDreams bölməsinin təcrübəsindən istifadə edilərək, yeni nəsil, uzunömürlü batareyaların istehsalı planlaşdırılır. 30 ildən artıq lityum-ion batareya texnologiyalarında təcrübəsi olan FinDreams, bulud texnologiyaları və məlumat analitikasından istifadə edərək elektrik motosikletləri üçün daha təhlükəsiz sistem hazırlayacaq.

Qeyd edək ki, Çinin elektrik motosiklet bazarı sürətlə inkişaf edir. 2023-cü ildə ölkədə 350 milyondan çox nəqliyyat vasitəsi qeydə alınıb, 42 milyondan çoxu isə istehsal edilib. Lakin ötən il 21000-dən çox elektrik motosiklet yanğını baş verib və bu da təhlükəsizliyin hələ də əsas narahatlıq mənbəyi olduğunu göstərir.

BYD və TAILG-nin əməkdaşlığı, elektrik motosiklet batareyalarının təhlükəsizliyini və ömrünü artırmaq, eyni zamanda davamlı nəqliyyatın inkişafına töhfə vermək məqsədi daşıyır. Bu layihənin həm Çin, həm də qlobal miqyasda əhəmiyyətli nəticələr verəcəyi gözlənilir.