Apple TV+ "Silo" serialının 3-cü və 4-cü mövsümləri təsdiqləndi

Apple TV+ platformasında yayımlanan, yeraltı dünyanın sirrini anlatan "Silo" serialı üçün sevindirici xəbər var! Serialın final epizodundan sonra, rəqəmsal yayım nəhəngi 3-cü və 4-cü mövsümləri təsdiqləyib.

Bu iki mövsüm əlavəsi sayəsində, yaradıcılar "Silo"nun sirli dünyasını daha ətraflı araşdıra və tamaşaçılara tam, doyumlu bir hekayə təqdim edə biləcəklər.

Serialın prodüseri Graham Yost, Apple TV+ -ın açıqlamasını təsdiqləyərək, hekayənin təbii sonluğuna çatdırmaqdan duyduğu həyəcanı bölüşüb. O, "Silo"nun varlığının və məqsədinin tam tarixini izləyicilərə çatdıracaqlarını bildirib. Son iki mövsümün tamaşaçıların səbirsizliklə gözlədiyi suallara cavab verəcəyini vurğulayıb.

Hazırda ikinci mövsümü yayımlanan və yeni epizodları 17 yanvaradək hər həftə ekranlara gələn "Silo", insanlığın nəhəng bir yeraltı sığınacaqda yaşadığı bir gələcəyin hekayəsini danışır. Yeraltı dünyanın mənşəyindən xəbərsiz olan insanlar, mövcud qaydalara sual ünvanlayaraq və xarici dünya haqqında məlumat axtararaq həyatlarını riskə atırlar.

İcraçı prodüser kimi də çıxış edən Rebecca Fergusonun baş rol oynadığı serial, Hugh Howey-in eyniadlı məşhur kitab seriyasından ekranlaşdırılıb. Serialın aktyor heyətinə Rebecca Ferguson, Rashida Jones, David Oyelowo, Common, Tim Robbins, Harriet Walter, Avi Nash, Rick Gomez və Chinaza Uche kimi ulduzlar daxildir.

3-cü və 4-cü mövsümlərin təsdiqi, Apple TV+ -ın yüksək keyfiyyətli proqramlar istehsal etmək istəyinin göstəricisidir. Ayda 9.99 avroya abunə oluna bilən bu yayım xidməti ölkəmizdə də mövcuddur.