Apple Şirkətinin Ən Gəlirli Sahəsi Açıqlandı!

2025-ci ilin ikinci rübü Apple şirkətinin möhkəm maliyyə göstəriciləri ilə diqqət çəkib. Artıq şirkətin ən böyük gəlir mənbəyi aparat məhsulları deyil, rəqəmsal xidmətlərdir. Uzun müddətdir inkişafını davam etdirən bu seqment, həm gəlir, həm də xalis mənfəət marjası baxımından Apple tarixində ən yüksək səviyyəyə çatıb.

Apple-ın ən çox mənfəət əldə etdiyi sahə, App Store, Apple Music, iCloud, Apple TV+, AppleCare və reklam xidmətləri kimi Apple ekosisteminə inteqrasiya olunmuş rəqəmsal həlləri əhatə edir. Geniş istifadəçi bazası sayəsində bu sahə şirkətin ümumi gəlirinin təxminən 21%-ni təşkil edən sabit gəlir modeli halına gəlib. Bu nisbət Apple üçün rəqəmsal xidmətlərin nə qədər strateji əhəmiyyət kəsb etdiyini göstərir. İllik 100 milyard dolları aşan xidmət gəliri ilə ayrıca bir əsas biznes seqmenti halını alıb.

26.64 milyard dollar ümumi gəlir əldə edən xidmətlər bölməsi 75.7% xalis mənfəət marjası ilə Apple-ın ən gəlirli biznes seqmenti olub. Bu marja, şirkətin hər hansı bir seqmentdə əldə etdiyi ən yüksək xalis mənfəət marjasıdır.

Apple iPhone istehsalını Hindistana köçürməyə hazırlaşır! Niyə? Bu, istehsal xərclərini əhəmiyyətli dərəcədə azaldacaq. Aparat satışlarının artımının yavaşlamasına baxmayaraq, təklif olunan xidmətlər şirkətin ümumi mənfəətinə birbaşa töhfə verərək Apple-ın möhkəm maliyyə mövqeyini qorumasına kömək edib.