Apple Qatlanan iPad Yox, Qatlanan iPhone Üstündə İşləyir!

Android dünyasında qatlanan telefonlar artıq adi hal olsa da, Apple hələ də bu sahədə görünməmişdi. Uzun müddətdir qatlanan modellər üzərində işlədiyi deyilən texnologiya nəhənginin, qatlanan cihaz istehsalındakı strategiyasını dəyişdirib, qatlanan iPhone-lara yönəldiyi bildirilir.

Mənbələrdən alınan məlumata görə, qatlanan cihaz bazarına hələ girməyən Apple, istehsal prosesində yaranan bəzi problemlər və narahatlıqlar səbəbindən qatlanan iPad layihəsini dayandırmış və qatlanan iPhone modelinə hazırlaşmağa başlayıb. Qatlanan iPad layihəsinin dayandırılmasının səbəbləri arasında təchizat zənciri mənbələri, istehsal çətinlikləri və xərc narahatlığı göstərilir.

Qlobal vəziyyətdən də təsirlənən Apple üçün qatlanan iPad istehsalını dayandırması olduqca normal görünür. Hazırda şirkətin diqqəti ilk qatlanan iPhone-dadır və satışa hazırlıq işləri gedir. Apple üçün qatlanan cihazlarda böyük ekran istehsalı bahalı olduğundan, şirkət müvəqqəti olaraq bu məhsulların istehsalını dayandırıb.

Apple-ın diqqət mərkəzində yeni iPhone modelidir. 2025-ci ilin iyun ayında P1 prototipinin hazır olduğu deyilən cihazın 2026-cı ilin əvvəlində Mühəndislik Təsdiq Sınaqlarına girəcəyi bildirilir. Sızmalara görə, bu iPhone modeli Samsung tərəfindən hazırlanmış 7.8 düymlük OLED ekrana sahib olacaq. 2026-cı ilin sentyabr ayında təqdim olunacağı deyilən cihazın qiymətinin 2100 ilə 2300 dollar arasında olacağı gözlənilir.