Apple İPhonelar üçün 200 MP Kameraya keçə bilər!

Apple yüksək həllıyyətli kamera sensorları üzərində işini davam etdirir. Şirkətin gələcək iPhone modellərində istifadə üçün 200 meqapiksel həllıyyət təklif edən yeni bir kamera sensorunu sınadığı məlum olub. Məlumata görə, sınaqdan keçirilən sensor, çox güman ki, əsas kamera modulunda yer alacaq. 200 MP səviyyəsində kamera sensorları artıq bəzi Android istehsalçıları tərəfindən istifadə olunur. Apple-ın bu sahədə sınaq prosesinə başlaması, şirkətin görüntü emalı yanaşmasında, həllıyyətdən daha çox keyfiyyətə yönəlmiş yeni bir dövrün əlamətidir.

Hələ hansı iPhone modelində həmin sensorun istifadə olunacağı müəyyən deyil. iPhone 17 seriyasının dizayn prosesi başa çatdığı üçün bu modelə belə bir sensorun daxil edilməsi gözlənilmir. Yeni sensorun, iPhonenin 20 illiyinə təsadüf edən 2027-ci ildə təqdim ediləcək iPhone 19 seriyasında istifadə olunması ehtimalı daha yüksəkdir. Apple-ın gələcək planlarına yalnız kamera tərəfində deyil, həm də dizayn və ekran texnologiyalarında dəyişikliklər daxildir. Bildirilir ki, şirkət 2026-cı ildə satışa çıxarılacaq iPhone 18 modelində ekranın altında yerləşən Face ID ilə deşikli ekran dizaynına keçəcək və 2027-ci ildə isə tam ekran təcrübəsi təqdim etmək üçün ön kameranı ekranın altına keçirəcək. Bu addım, iPhone tarixində əvvəl görünməmiş səviyyədə bir dizayn transformasiyası deməkdir.