Apple-dan Yeni Ev Texnologiyaları

2025-ci ilin əvvəllərindən etibarən texnologiya nəhəngləri böyük yeniliklərə hazırlaşırlar. Apple şirkəti də istisna deyil və ev texnologiyaları məhsullarını yeniləməyi planlaşdırır. Şayiələrə görə, bu il üç yeni cihaz təqdim ediləcək.

Ən çox gözlənilən məhsullardan biri yeni Apple TV-dir. "Apple TV 4K" adı ilə satışa çıxması gözlənilən cihazın, Apple İntelligence dəstəyi, A18 və ya A17 Pro prosessoru, yeni Wi-Fi və Bluetooth çipləri ilə təchiz olunacağı deyilir. Bu yeniliklər son texnologiyalara və istifadəçi gözləntilərinə uyğun gələcək.

Başqa bir maraqlı məhsul isə "Apple HomePad" adlı yeni ağıllı ev mərkəzidir. Bu cihazın, inkişaf etmiş Siri inteqrasiyası (Apple İntelligence ilə), ev idarəetməsi üçün vidjet dəstəyi, foto tətbiqi ilə uyğunluğu, kamera və səs yazma kimi təhlükəsizlik xüsusiyyətləri, Safari, Music və Notes kimi tətbiqlər üçün dəstək olacağı gözlənilir.

Üçüncü cihaz isə HomePod mini 2 olacaq. İkinci nəsil HomePod artıq satışdadır, lakin mini versiyası hələ də 2020-ci il modelindən istifadə edir. Bu il Apple, digər cihazlar kimi süni intellekt xüsusiyyətləri ilə təchiz olunmuş HomePod mini 2-ni satışa çıxaracaq.

Üç cihazın da 2025-ci ilin sonlarında təqdim edilməsi gözlənilir. Siz Apple-ın ev məhsullarını necə qiymətləndirirsiniz?