Android istifadəçiləri üçün sevindirici xəbər: Gözlənilən xüsusiyyət nəhayət gəlir!

Android telefonlarda çoxlu tapşırığı asanlaşdırmaq üçün Google səylərini davam etdirir. Bu istiqamətdə şirkətin "Android Bubble Bar" adlı yeni bir xüsusiyyəti sınadığı məlum olub. Bu xüsusiyyət mövcud bölünmüş ekran rejimindən fərqli olaraq, birdən çox tətbiqin daha asan açılmasına və aralarında keçid edilməsinə imkan verir.

Kiçik ekranlı modellərdə xüsusilə Android smartfonlarda çoxlu tapşırığın idarə edilməsi olduqca əsəbi bir proses ola bilər. Əksər cihazlar iki tətbiqin yan-yana yerləşdirilməsini təmin edən bölünmüş ekran rejimi və müəyyən tətbiqləri üzən pəncərələrdə açan baloncuk xüsusiyyəti təklif edir. Lakin bu üsullar yalnız iki tətbiq arasında keçid etmək üçün əlverişlidir. Üç və ya daha çox tətbiqdən istifadə edildikdə isə səmərəlilik əhəmiyyətli dərəcədə azalır.

Google bu məsələdə mühüm addım atır. Etibarlı sənaye mənbələrinə görə, Android 16 Beta 4 versiyasında vacib bir detal aşkar edilib. Şirkətin hər hansı bir tətbiqin baloncukda açılmasına və Android smartfonlarında yeni bir baloncuk panelindən əldə edilməsinə imkan verən bir xüsusiyyət üzərində işlədiyi bildirilir. Yeni xüsusiyyətin paylaşılmış videosuna əsasən, istifadəçilər bir və ya daha çox tətbiqi baloncuklara yerləşdirə və başqa bir tətbiqdən istifadə edərkən sadəcə baloncuklara toxunaraq onlara asanlıqla daxil ola və ya aralarında keçid edə biləcəklər.

Google-un bu xüsusiyyəti Android 16 yeniləməsi ilə təqdim etməsi gözlənilir. Bundan əlavə, hələ təsdiq olunmasa da, şirkətin tətbiq seçimin daha da asanlaşdırmaq üçün bu baloncuqları kateqoriyalara ayıra biləcəyi deyilir.