Android 16 əsaslı One UI 8 nə zaman çıxacaq?

Samsung, One UI 7 yeniləməsini yayımladıqdan sonra, hər kəsin gözü növbəti versiya olan One UI 8-dədir. Bəs bu yeni yeniləmə ilə bağlı Samsungun işləri necə gedir və istifadəçilər nə vaxt telefon və planşetlərində yeni versiyanı yükləyə biləcəklər? Ətraflı məlumatlar budur!

One UI 8 nə zaman çıxacaq? Deyilənlərə görə, Samsung One UI 8 ilə yeniləmə cədvəlində qeyri-adi bir dəyişiklik edə bilər. Adətən ilin son rüblərində yayımlanan əsas One UI yeniləmələri bu dəfə yayda istifadəçilərə təqdim oluna bilər. Bunu Samsung-un yeniləmələrini Google ilə daha uyğunlaşdırmaq üçün hazırlaşması kimi dəyərləndirmək olar. Samsung adətən One UI yeniləmələrini oktyabr və ya noyabr aylarında təqdim edir. Məsələn, One UI 6, 30 oktyabr 2023-cü ildə yayımlanmışdı. Lakin, One UI 7 ilə bu vəziyyət bir qədər dəyişdi. Çünki inkişaf prosesindəki fasilələr səbəbindən yeni versiya aprel 2025-ci ilə qədər təxirə salınıb.

Etibarlı mənbələr tərəfindən verilən məlumata görə, Android 16 əsaslı One UI 8 yeniləməsi 2025-ci ilin yayında yayımlanacaq. Lakin, One UI 8 üçün beta testlərinin bu ayın sonu və ya iyun ayının əvvəlində başlaması gözlənilir.

Android 16 əsaslı One UI 8 yeniləməsini alacaq Samsung modelləri: Qeyd: Aşağıdakı siyahı rəsmi deyil. Şirkətin yeniləmə siyasətinə uyğun olaraq etibarlı mənbələr tərəfindən hazırlanıb. Bundan əlavə, yeni dövrdə buraxılacaq modellər daxil deyil və yalnız mövcud məhsul çeşidini əhatə edir. Galaxy S: Galaxy S22 Seriyası, Galaxy S23 Seriyası, Galaxy S24 Seriyası, Galaxy S25 Seriyası; Galaxy Z Fold və Flip: Galaxy Z Fold 4 və Z Flip 4, Galaxy Z Fold 5 və Z Flip 5, Galaxy Z Fold 6 və Z Flip 6; Galaxy S FE: Galaxy S21 FE, Galaxy S23 FE, Galaxy S24 FE; Galaxy A: Galaxy A33, A53 və A73, Galaxy A14, A24, A34 və A54, Galaxy A15, A25, A35 və A55, Galaxy A06, A16, Galaxy A56, Galaxy A26; Galaxy Tab: Galaxy Tab S8, Tab S8+ və Tab S8 Ultra, Galaxy Tab S9, Tab S9+ və Tab S9 Ultra, Galaxy Tab S10+ və Tab S10 Ultra