Bayırbucakda türkman ailələri məktəbə çatmaqda çətinlik çəkir
Suriyada Əsəd rejiminin devrilməsi və müharibənin başa çatmasından sonra Türkiyədən Lazkiyə kəndlərinin Bayırbucak bölgəsinə qayıdan türkman ailələri uşaqlarının təhsilini davam etdirə bilməsi üçün ciddi problemlərlə üzləşir. Bölgədə məktəb çatışmazlığı, nəqliyyat problemləri və digər infrastruktur maneələri ailələri çıxış yolu axtarmağa məcbur edir.
Qayıdan ailələrin uşaqları təhsil almaq üçün 11 kilometr məsafədə yerləşən məktəbə getməli olur. Bu isə gündəlik gediş-gəlişi çətinləşdirir və təhsilə davamiyyətə mane olur.
ADA Universitetində IE Mərkəzinin "AZEMBA" proqramı təqdim edilib
ADA Universitetində Liderlik və İnnovasiya üzrə IE Mərkəzinin "AZEMBA" proqramının açılışı olub. Tədbirdə çıxış edən "IE Business School"un vitse-dekanı Lusiya Eqia bildirib ki, bu proqram Azərbaycanın transformasiya, liderlik və insan kapitalının inkişafı ehtiyaclarına uyğun hazırlanıb.
"IE University"nin Korporativ Əlaqələr üzrə İcraçı sədri Villiam Davila isə ADA Universitetində keçirilən tədbirdə çıxışı zamanı qeyd edib ki, universitet Azərbaycanla təhsil, bilik, tərəfdaşlıq və etimada əsaslanan uzunmüddətli əməkdaşlığın inkişafında maraqlıdır.
Naxçıvan Müəllimlər İnstitutu ləğv edilir
Naxçıvan Müəllimlər İnstitutu ləğv edilir. Qurum Naxçıvan Dövlət Universitetinə qoşulur. Belə ki, Naxçıvan Dövlət Universiteti Naxçıvan Müəllimlər İnstitutunun ona birləşdirilməsi yolu ilə yenidən təşkil olunur.
Baş nazir Əli Əsədov bu barədə müvafiq qərar imzalayıb.
Nazirlər Kabineti məktəbli geyim formalarına dair dəyişiklikləri təsdiqləyib
Baş nazir Əli Əsədov dövlət məktəblərində şagirdlərin geyim formaları ilə bağlı qaydalara dəyişiklik edilməsi haqqında qərar imzalayıb. Qərar Nazirlər Kabinetinin 2022-ci il 17 mart tarixli 96 nömrəli Qərarı ilə təsdiq edilmiş "Dövlət ümumi təhsil müəssisəsi təhsilalanlarının geyim formalarının təsvirləri"nə dəyişiklik edilməsini nəzərdə tutur.
Milli Məclisin deputatı Ceyhun Məmmədov bildirib ki, vahid məktəbli geyimi məktəbdə səliqəli və bərabər mühitin yaranmasına kömək edir. O qeyd edib ki, "Ümumi təhsil haqqında" qanuna edilən dəyişikliklər və Nazirlər Kabinetinin müvafiq qərarı bərabərliyin və məktəb kimliyinin formalaşmasına xidmət edir.
İtaliya məktəblərində niqab qadağan edilir
İtaliyanın Baş naziri Corcia Meloni məktəblərdə burqa və niqabın geyinilməsini qadağan edəcək qanun layihəsinin hazırlandığını bildirib. Bu barədə İtaliyanın ANSA agentliyi məlumat yayıb.
Agentliyin məlumatına görə, sənəd həmçinin bir sinifdə xarici şagirdlərin sayı ilə bağlı da müəyyən müddəalar nəzərdə tutur.
UNEC rektoru ali təhsillə bağlı müzakirə təklifi edib
Azərbaycanda ali təhsilin mövcud vəziyyəti barədə ekspertlərin səsləndirdiyi fikirlər arasında neqativ mülahizələr hələ də üstünlük təşkil edir. UNEC-in rektoru Ədalət Muradov bu mövzuda öz fikirlərini bölüşmək qərarına gəlib və müzakirə təklifi irəli sürüb.
Media nümayəndələri üçün Qafqaz Albaniyası irsinə həsr olunmuş seminar keçirilir
Bakıda media nümayəndələri üçün "Qafqaz Albaniyasının irsinə tarixi baxış" mövzusunda maarifləndirici seminar təşkil edilib. Tədbir Azərbaycan Respublikası Media və Yayım Şurasının təşkilatçılığı ilə keçirilir.
Seminarın əsas məruzəçisi tarix elmləri sahəsində çalışan mütəxəssisdir.