Xarici dil imtahanlarında yeni model 2027-ci ildən tətbiq olunacaq
Dövlət İmtahan Mərkəzi tam orta təhsil səviyyəsində xarici dillər üzrə imtahan modelində əhəmiyyətli dəyişikliklər edib. Yeni model 2027-ci ildən buraxılış imtahanlarında tətbiq olunacaq. DİM sədri bildirib ki, yeni imtahan modeli tədris prosesini daha məqsədyönlü planlaşdırmağa imkan verəcək. Bu yanaşma şagirdlərin dil bacarıqlarını daha real, funksional və kommunikativ kontekstdə ölçməyi hədəfləyir. Eyni zamanda, yeni modelin tətbiqi ilə şagirdlərə imtahan vaxtına 15 dəqiqə əlavə vaxt verilməsi nəzərdə tutulur. DİM İdarə Heyətinin sədri Məleykə Abbaszadə isə buraxılış imtahanlarına xarici dil fənninin daxil edilməsi məsələsində öncəki fikirlərinin səhv olduğunu etiraf edib.
Dövlət məktəblərində xarici dildə təhsil almaq istəyən şagirdlər müsahibədən keçəcək
Azərbaycan Respublikasında dövlət ümumi təhsil müəssisələrində xarici dildə təhsil almaq istəyən şagirdlər üçün müsahibə prosesi təsdiq edilib. Bu qaydaya əsasən, dövlət təhsil standartları çərçivəsində digər dildə oxumaq arzusu olan şagirdlər seçdikləri təhsil müəssisəsində müsahibə mərhələsindən keçməli olacaqlar.
Beynəlxalq STEM Olimpiadasında dünya birincisi olan şagird alim olmaq xəyalı qurur
Uluslararası STEM Olimpiadasında 38 min şagirdi geridə qoyaraq, elm kategoriyasında dünya birincisi və riyaziyyatda üçüncüsü olan 4-cü sinif şagirdi Kerem Üstev böyük uğura imza atıb. Gənc istedadlı şagird məşhur türk riyaziyyatçısı Cahit Arf kimi alim olmaq arzusundadır. Kerem iyulun sonunda Roma şəhərində keçiriləcək final mərhələsində Türkiyəni təmsil edəcək.
Həftəsonu 2500-ə yaxın şəxs rezidentura imtahanı verəcək
Rezidenturaya qəbul imtahanının birinci mərhələsi mayın 3-də Bakı və Naxçıvan şəhərlərində keçiriləcək. Bu mərhələdə baza fənləri üzrə biliklərin qiymətləndirilməsi aparılacaq. Dövlət İmtahan Mərkəzinin məlumatına görə, imtahanlarda 2390 namizədin iştirakı gözlənilir.
"Yuta-Azərbaycan Dostluq Təşkilatı" ABŞ-da dil festivalında iştirak edib
"Yuta-Azərbaycan Dostluq Təşkilatı" ABŞ-nin Yuta ştatındakı Briqam Yanq Universitetində keçirilən "Dil sərgisi" festivalında yer alıb. Tədbir müxtəlif xalqların dil və mədəniyyətlərinin tanıtıldığı bir platformaya çevrilib. Universitetin "Uilkinson Tədris Mərkəzi"ndə keçirilən festival Azərbaycan dilinin və mədəniyyətinin beynəlxalq arenada təbliği baxımından əhəmiyyətli addım olub.