Vaksin hazırlamaq üçün 31 milyard dollar lazımdır - ÜST

"COVID-19 üzərində tam qələbə qazanmaq üçün effektli vaksinin tapılması vacibdir"

Bunu Ümumdünya Səhiyyə Təşkilatının (ÜST) baş direktoru Tedros Qebreyesus deyib. Onun sözlərinə görə, hazırda pandemiyanın miqyası böyüyür.

"COVID-19-a qarşı hələlik vaksinimiz yoxdur” , - deyən ÜST rəhbəri vurğulayıb ki, vaksin və dərmanlar hazırlamaq üçün 31 milyard dollardan çox vəsait toplanmalıdır.

O, qeyd edib ki, indiyədək bu məqsədlə 3,4 milyard dollar maliyyə vəsaiti yığılıb.