Türkiyədən Donald Trumpın İrana hücum əmri verməsi iddialarına kəskin cavab

ABŞ və İsrailin İrana qarşı addımları ilə bölgədə gərginlik artarkən, bir sıra iddialar gündəmi qarışdırıb. Donald Trumpın Türkiyəyə İrana hücum etmək tapşırıqı verdiyi barədə yayılan xəbərlər rəsmi dairələr tərəfindən rədd edilib. Türkiyə Prezident Administrasiyasının Kommunikasiya İdarəsi yanında olan Dezinformasiya ilə Mübarizə Mərkəzi bu iddiaların həqiqətdən uzaq olduğunu açıqlayıb. Rəsmi şərhdə qeyd olunub ki, sosial şəbəkələrdə paylaşılan bu cür məlumatlar heç bir fakta söykənmir.

Yayılan iddialar arasında Türkiyənin guya İrana qarşı gizli bir hərbi planın tərəfdaşı olduğu və müharibəyə qoşulmaq üçün CAATSA sanksiyalarının ləğvini şərt qoyduğu bildirilir. Mərkəz bu cür fikirləri tamamilə uydurma adlandırıb. Türkiyənin hər hansı bir ölkəyə qarşı müharibəyə girməsi üçün şərtlər irəli sürməsi və ya gizli sövdələşmələr aparması kimi bir hal yoxdur. Bu məlumatların məqsədi ictimaiyyəti çaşdırmaq və bölgədəki vəziyyəti daha da gərginləşdirməkdir. Vətəndaşlardan manipulyasiya xarakterli bu cür paylaşımlara inanmamaq xahiş olunur.

Türkiyə müstəqil bir dövlət kimi öz xarici siyasətini və təhlükəsizlik strategiyasını yalnız özü təyin edir. Rəsmi açıqlamada vurğulanıb ki, Ankara xarici siyasət qərarlarını kənar müdaxilə olmadan, yalnız milli maraqlar çərçivəsində verir. Əksini iddia edən bütün bəyanatlar tamamilə əsassızdır və bədniyyətli məqsədlərə xidmət edir. Türkiyə öz suverenliyinə hörmət edilməsini tələb edir və heç bir xarici liderin tapşırığı ilə hərəkət etmir. Bölgədə sülhün və sabitliyin qorunması ölkənin əsas hədəflərindən biri olaraq qalır.