Trampın Beyaz Saray Sürprizi: Kristiano Ronaldoya Ağ Evin Simvolik Açarını Hədiyyə Etdi

ABŞ prezidenti Donald Tramp dünyanın məşhur futbol ulduzu Kristiano Ronaldo və nişanlısı Georgina Rodriqesi Ağ Evdə qəbul etdi. Təxminən bir saat yarım davam edən bu yüksək səviyyəli görüş, qısa müddətdə dünya mediasının əsas gündəm mövzusu oldu. Görüşdə idman layihələri, xüsusən də gənc istedadlara dəstək verilməsi kimi mühüm məsələlər müzakirə edildi. Danışıqlar zamanı Ronaldonun olduqca şən və pozitiv əhval-ruhiyyədə olması diqqətdən yayınmadı.

Prezident Tramp, Ronaldonu Oval Ofisdə şəxsən qonaq edərək ona Ağ Evin simvolik açarını təqdim etdi. Bu jestini izah edən Tramp, açarın "Dünyanın ən yaxşısına yaraşdığını" bildirdi. Bu səfər həm də Ronaldonun ABŞ-a uzun müddət sonra gəlməsi ilə əlaqədar xüsusi əhəmiyyət daşıyır. Futbolçu 2017-ci ildən bəri Birləşmiş Ştatlara səfər etməmişdi. Buna səbəb 2009-cu ildə Las Veqasda Ketrin Mayorqanın ona qarşı irəli sürdüyü cinsi qısnama iddiaları olmuşdu. İddialardan sonra uzun illik fasilə vermiş Ronaldo, 8 il sonra ABŞ-a yenidən səfər etmiş oldu.

Ronaldo Ağ Evdə göstərilən səmimi ev sahibliyi üçün Donald Trampa təşəkkürünü bildirdi. O, həm Prezidentə, həm də birinci xanım Melaniya Trampa özünün və müstəqbil həyat yoldaşı Georginanın isti qarşılanmasından dolayı minnətdar olduğunu çatdırdı. Portuqaliyalı ulduz eyni zamanda, ictimai öhdəliklərə hazır olduğunu da vurğuladı. Ronaldo qeyd etdi ki, hər birimizin cəmiyyətə verə biləcəyi dəyərli şeylər var. O əlavə etdi: "Mən yeni nəsillərə cəsarət və məsuliyyətlə müəyyən edilən bir gələcək qurmaq üçün ilham verməkdə üzərimə düşən hissəni yerinə yetirməyə hazıram."