Saxta Pul ilə Benzin Almağa Cəhd Edən Şəxs Saxlanıldı

Bakıda bir şəxs saxta pul ilə benzin almağa cəhd edərkən tutulub.

Metbuat.az saytının DİN-in Mətbuat xidmətinə istinadən verdiyi məlumata görə, hadisə oktyabrın 1-də saat 02.40 radələrində Binəqədi rayonunda baş verib.

Binəqədi Rayon Mühafizə İdarəsinə daxil olan məlumata əsasən, yanacaqdoldurma məntəqələrindən birində bir şəxs işçiyə 100 manatlıq saxta pul verərək benzin almağa cəhd edib.

Polis əməkdaşlarının dərhal hadisə yerinə gəlməsi nəticəsində 43 yaşlı R.Novruzov saxlanılıb.

Saxlanılan şəxs araşdırma aparılması üçün Binəqədi RPİ-nin 7-ci Polis Şöbəsinə təhvil verilib.