Şara Moskvada! Rusiya Rəhbəri Putinlə Görüşüb

Suriyada 61 illik Bəəs Rejiminin süqutundan sonra yeni bir dövr başlayıb. Suriyada başlayan yeni mərhələdə devrilmiş lider Əsəd isə Rusiyaya qaçıb. Əhməd Şaranın Prezident olduğu Suriyadakı yeni dövrün ən kritik addımı bu gün atılır.

ŞARA MOSKVADA Suriya Dövlət Başçısı Əhməd Şara bu gün Moskvaya səfər edir. Şara bir neçə dəqiqə əvvəl Moskvaya çatıb və Rusiya lideri Putinlə görüşüb. Danışıqlara əvvəlcə Putin başlayıb, ardınca Şaranın da qısa bir bəyanat verməsi gözlənilir.

ƏSƏDİN EKSTRADİSİYASINI TƏLƏB EDƏCƏK Şaranın, törətdiyi hərbi cinayətlərə görə mühakimə olunması üçün devrilmiş lider Bəşər Əsədin ölkəsinə təhvil verilməsini tələb edəcəyi iddia olunur. Əş-Şaranın, eyni zamanda görüşləri zamanı Rusiyanın Tartus Dəniz Bazası və Hmeymim Hava Bazasıdakı mövcudluğu məsələlərini də müzakirə edəcəyi bildirilir.

ONUN BARƏSİNDƏ HƏBS QƏRARI ÇIXARILIB Ötən həftə Suriya, 2024-cü ilin dekabr ayından bəri Rusiyaya sığınan Əsəd barəsində qiyabi həbs qərarı çıxarmışdı. Suriya 7-ci İstintaq Məhkəməsinin Hakimi Tövfiq əl-Əli Əsədə qarşı irəli sürülən ittihamlar arasında qəsdən adam öldürmə, ölümə səbəb olan işgəncə və azadlıqdan məhrum etmə əməllərinin olduğu bildirmişdi. Hakim Əl-Əli qeyd edib: "2011-ci il noyabrın 23-də Dərada həlak olanların yaxınlarının qaldırdığı iddia əsasında həbs qərarı çıxardıq. Bu iddia İnterpol vasitəsilə beynəlxalq səviyyədə yayılaraq xarici ölçüdə də təqib edilməsi mümkün olan xarakter daşıyır. Qərar, sistematik pozuntulara görə məsuliyyət daşıyan şəxslərin məhkəməyə cəlb edilməsinə zəmin yaradır. Hüquqi proses, rejimin törətdiyi cinayətlərin bütün təqsirkarlarına çatana qədər davam edəcək."