Rusiyanın çağrısı: Suriyada vəziyyət kritikdir!

Noyabrın 27-də Suriyada Bəşər Əsəd rejiminə qarşı başlayan hərbi əməliyyatlar nəticəsində müxalif qüvvələr Haləb, İdlib, Tel-Rıfat və Hamadan sonra, Şama gedən yolda strateji əhəmiyyətli Homs şəhərini də ələ keçiriblər.

Müharibənin gedişatı ilə bağlı Rusiyanın mövqeyi dəyişiklik göstərib. Əsəd rejiminə dəstək verəcəklərini dəfələrlə bəyan edən Moskva indi Suriyadakı vətəndaşlarına təcili ölkəni tərk etməyi məsləhət görüb.

Rusiya vətəndaşlarından Suriyanı tərk etmələrini tələb edir. Homsun müxaliflər tərəfindən ələ keçirilməsi ilə bağlı narahatlığını gizlətməyən Rusiya, vəziyyətin ciddiliyini vurğulayır.

Suriyada vəziyyət gərginləşməkdədir. Noyabrın 27-də Haləbin qərbində Esed rejimi ilə müxaliflər arasında şiddətli döyüşlər başlamışdı. Noyabrın 30-da müxaliflər Haləbin böyük hissəsini ələ keçirmiş, İdlibi isə tamamilə nəzarət altına almışdılar. Dekabrın 5-də Hama şəhəri də müxaliflərin əlinə keçmiş, ardından strateji əhəmiyyətli Homs şəhərinin bəzi əraziləri də onların nəzarətinə düşmüşdür.

Suriya Milli Ordusunun Tel-Rıfatda PKK/YPG terror təşkilatına qarşı apardığı əməliyyatlar nəticəsində bu rayon terrorçulardan təmizlənmişdir.