Rusiyadan Avropaya yeni raket təhlükəsi

Ukraynanın ABŞ və İngiltərə istehsalı raketlərdən istifadəsinə Rusiyanın cavabı sərt oldu. Rusiya, Ukraynaya qarşı qitələrarası ballistik raket atdı.

Rusiya Stratejik Raket Qoşunları Baş Komandanı Sergey Karakayevin açıqlaması diqqət çəkdi. "Oreşnik" raketinin dünyada analoqu olmadığını və Avropadakı hər hədəfi vura biləcəyini bildirdi. Bu, mövcud və gələcək raket müdafiə sistemlərini aşmağı təmin edən hipersonik texnologiyalarla təchiz olunmuş bir raketdir.

Rusiya Prezidenti Vladimir Putinin sözlərinə görə, bu cür silahların inkişafı ölkə üçün həyati əhəmiyyət kəsb edir. Dünyada buna bənzər silah olmadığını və heç kimin bu raketi maneə törədə bilməyəcəyini vurğuladı. Digər oxşar sistemlərin də test edilməkdə olduğunu və tezliklə istehsala veriləcəyini əlavə etdi.

Rusiya Hərbi Sənaye Komissiyası Başçısının müavini Vasiliy Tonkoşurov sistemin qısa müddətdə rus texnologiyaları ilə yaradıldığını bildirdi. Bu hadisə Azərbaycan kimi region ölkələri üçün də böyük təhlükə mənbəyidir və hərbi-siyasi vəziyyəti daha da gərginləşdirir.