"Peaky Blinders" Filminin İlk Fotoları Yayımlandı!
Sevilən "Peaky Blinders" serialı yeni film versiyası ilə gündəmdədir. Altı mövsüm boyunca milyonlarla izləyicinin qəlbinə yol tapmış, Birminghemli bir ailənin hekayəsini anlatan serial, son zamanlarda sosial mediada yeni bir foto ilə gündəmə gəldi. Netflix, "Peaky Blinders" filminin setindən ilk fotoyu yayımlayaraq həvəskarları sevindirdi.
Fotoda baş rol oyunçusu Cillian Murphy, Thomas Shelby obrazında geri dönür. Murphy fotoda "Peaky Blinders"in yaradıcısı və ssenaristi Steven Knight ilə birlikdə görünür. Filmin adı və süjeti hələ açıqlanmasa da, bəzi izləyicilər fotoda gizlənən ipuçlarına əsaslanaraq proqnozlar verməyə başlayıblar.
Murphy-nin saç stili serialın son mövsümündəki qısa saçlarından fərqlidir. Bu, "Peaky Blinders" filminin serialın sonundan bir neçə il sonra baş verə biləcəyini göstərir. Ancaq Netflix və prodüser film haqqında yayım tarixi və süjet xətti ilə bağlı hələ heç bir məlumat verməyib.
Cillian Murphy hələlik təsdiqlənən yeganə aktyordursa da, serialın digər ulduzları, o cümlədən Paul Anderson, Sophie Rundle və Natasha O'Keeffe öz rollarına geri dönmələri gözlənilir. "Peaky Blinders" filmi hazırda çəkiliş mərhələsindədir, buna görə də gələn günlərdə daha çox məlumatın paylaşılmasını gözləyirik.
Yeni aktyor heyətinin üzvü Barry Keoghan, filmin ssenarisini oxuduğunu söyləyib. O deyib: "Əgər ssenarini oxumasaydım, bu layihəyə qoşulmazdım. Ssenarini çox sevdim. Cillianla danışdım və bunun epik bir film olacağını düşünürəm."
