Netanyahu'nun yeni bəhanəsi: Golan təpələri

İsrail Baş Naziri Benyamin Netanyahu'nun ofisindən verilən açıqlamada, Suriyadakı son hadisələri bəhanə gətirərək Golan təpələrindəki hərbi mövcudluğunu davam etdirəcəkləri bildirilib.

Bildirilib ki, bu, 1974-cü il müqaviləsinə əsasən yaranmış vəziyyətin qorunması üçün, Suriya ilə sərhədlərimizin təhlükəsizliyinin təmin olunmasına qədər müvəqqəti tədbirdir.

Baş Nazirlik, İsrailin Golan təpələrindəki hərəkətlərinin müdafiə xarakterli olduğunu və Suriyadakı rejim dəyişikliyindən qaynaqlandığını vurğulayıb.

Açıqlamada deyilir ki, Suriyadakı rejimin süqutu, İsrail sərhədləri ilə 1974-cü il geri çəkilmə sazişinə əsasən yaradılmış tampon zonada boşluq yaratdı. İsrail, terror qruplarının bu boşluğu doldurmasına və Golan təpələrindəki İsrail yaşayış məntəqələrinə hücum etməsinə imkan verməyəcək. Bu səbəbdən İsrail qüvvələri tampon zonaya daxil olub və strateji əhəmiyyətli obyektləri ələ keçirib.

Suriyada 27 noyabrda rejim əleyhinə silahlı qruplar və Əsəd qüvvələri arasında şiddətli döyüşlər baş verib. Qruplar dekabr ayının əvvəlində ölkənin əsas şəhərlərində üstünlük əldə ediblər. Paytaxta daxil olan qruplara əhalinin dəstəyi nəticəsində rejim süqut edib, Əsəd isə qaçıb. Baas Partiyasının 61 illik hakimiyyəti sona çatıb.

Digər tərəfdən, Suriyanın Milli Ordusu dekabrda başlayan əməliyyatda Tel Rıfatı PKK/YPG-dən azad edib. Münbiçin də azad edilməsi ilə Fırat çayının qərbindəki böyük terror yuvası təmizlənib.