Mostarda Şok Hadisə: Futbol Hakimi Keçmiş Sevgilisini Qətlə Yetirib İntihara Cəhd Etdi

Bosniya və Herseqovinanın Mostar şəhərində dəhşətli qətl hadisəsi baş verib. Futbol hakimi Anis Kalajdzic keçmiş sevgilisi Aldina Jahiçi bir kafedə güllələyərək öldürüb. Hadisə idman zalına gedərkən baş verib. Kalajdzic, Aldina Jahiçi pusquya salıb. Qorxuya düşən Jahic kömək üçün yaxınlıqdakı kafeyə sığınıb və polisə zəng edə bilib. Lakin hüquq-mühafizə orqanları hadisə yerinə çatmamış Kalajdzic onu yaxalayıb və tapança ilə bir dəfə atəş açıb. 32 yaşlı Aldina Jahic hadisə yerindəcə dünyasını dəyişib. Cinayəti törətdikdən sonra Kalajdzic öz həyatına son qoymağa çalışsa da, silahı ilişib və işləməyib. O, qısa müddət sonra polis tərəfindən saxlanılıb.

Anis Kalajdzic Bosniya və Herseqovina Federasiyası Birinci Liqasında hakimlik edir. O, 1970-90-cı illərdə "Velez Mostar" və "Bursaspor" klublarında oynamış, həmçinin "Velez Mostar"a məşqçilik etmiş keçmiş futbolçu Avdo Kalajdzicin oğludur. Yerli mediada yayılan məlumatlara görə, Kalajdzic hakimlik fəaliyyəti zamanı aldığı hədələrə görə cəmi bir ay əvvəl qanuni qeydiyyatdan keçmiş silah əldə edib. İstintaqa yaxın olan mənbələr bu qətlin əvvəlcədən düşünülmüş şəkildə planlaşdırılmış ola biləcəyini qeyd edirlər. Polis isə ilkin ehtimala görə, cinayətin cütlüyün münasibətlərinin bitməsi səbəbindən baş verdiyini güman edir.

Qurban Aldina Jahic Kalesiya şəhərində doğulub. O, iş fəaliyyəti ilə əlaqədar Saraybosnadan Mostara köçmüşdü. İddialara görə, o, keçmiş sevgilisi tərəfindən hədələr alsa da, rəsmi orqanlara şikayət etməmişdi. Aldina Jahiçi yaxından tanıyan millət vəkili Admir Çavalıc hadisə ilə bağlı kədərini ifadə edərək, mərhumu on il ərzində inkişafını izlədiyi tələbəsi və "mentoru" adlandırıb. Sosial media paylaşımlarına əsasən, Jahic "Atlas Society International"da layihə və tədbirlər meneceri kimi çalışırdı. Çavalıc onu "filosof" deyə çağırırmış və onun böyük tədbirləri təşkil etmək, çoxlu məqalələr yazmaq və xarici dildə geniş kütlə qarşısında çıxış etmək kimi çoxsaylı bacarıqlara sahib olduğunu bildirib. O, əlavə edib ki, Aldina hər şeyi bacarırdı – mən onu belə tanıyırdım.

Bu faciəvi hadisə Mostar ictimaiyyətində böyük rezonans doğurub. Polis hadisə ilə bağlı geniş istintaq aparır. Anis Kalajdzic gözaltındadır və qətlin bütün təfərrüatları araşdırılır.