Lübnan-İsrail Atəşkəsi: Qadın Müxbirin Sülh Xəbəri

ABŞ Prezidenti Co Baydenin elan etdiyi İsrail və Livan hökumətləri tərəfindən təsdiqlənmiş atəşkəs sazişi yerli vaxtla səhər saat 4-də (Bakı vaxtı ilə 5-də) qüvvəyə minib.

Livan Silahlı Qüvvələrinin 60 gün ərzində Livanın cənub sərhədində mövqe tutaraq nəzarəti ələ keçirəcəyini bildirən Bayden, sazişin bu bölgədəki Hizbullah elementlərinin silahsızlandırılmasını və Litani çayının şimalına köçürülməsini nəzərdə tutduğunu vurğulayıb. 60 günlük müddət ərzində İsrail əsgərlərinin tədricən geri çəkiləcəyi də qeyd olunub.

Bayden, bu prosesdə heç bir Amerika əsgərinin iştirak etməyəcəyini bildirib və uzun müddət davam edən diplomatik səylərin, ABŞ və Fransanın rəhbərliyi ilə əldə olunduğunu vurğulayıb. ABŞ və Fransanın başçılıq etdiyi beynəlxalq bir koalisiyanın atəşkəs sazişinin icrasında dəstək verəcəyi də qeyd olunub.

İsrail və Livan arasındakı atəşkəs sazişi, Yaxın Şərqə rahat nəfəs aldırsa da, bu anlarda lentə alınmış görüntülər dünya mediasında böyük əks-səda doğurub. Canlı yayımda Livanlı qadın müxbirin kask və zirehini çıxararaq atəşkəs xəbərini verməsi sosial mediada geniş yayılıb və tez bir zamanda viral olub. Bu hərəkət, sülhə olan ümidin simvolu kimi qəbul edilib.

Bu hadisə, cəsur qadın jurnalistlərin hətta çətin şəraitdə belə, həqiqəti çatdırmaq üçün göstərdikləri cəsarətin bariz nümunəsidir.