İranın Hava Hücumu: Ürdün Qəti Şəkildə Cavab Verəcəyini Bəyan Etdi

Ürdün Xarici İşlər naziri Ayman Safadi, İran tərəfindən İsrailə atılan raketlərin ölkəsinin hava sərhədini pozması ilə bağlı İsrail və İranı xəbərdar edib. Safadi, İngiltərənin Xarici İşlər naziri David Lammy ilə telefon danışığında, "Ürdün heç kimin müharibə meydanı olmayacaq" deyib.

"Biz özümüzü hər cür təhlükədən qorumaq üçün bütün imkanlarımızı səfərbər edəcəyik." deyən Safadi, Ürdünün bu mövqeyini İran və İsrailə açıq şəkildə çatdırdığını bildirib. Safadi həmçinin, Qəzzə və Livanda atəşkəs müqavilələri bağlanaraq "bu təhlükəli gərginliyin dayandırılması" çağırışı edib.

Ürdün Daxili Təhlükəsizlik Nazirliyi, İranın İsrailə raket hücumu zamanı hərbi qüvvələrin və hava müdafiə sistemlərinin İrana məxsus raketləri və pilotsuz hava vasitələrini zərərsizləşdirdiyini açıqlamışdı.