iPhone 16 Satışı Azalır, LG Çətin Vəziyyətdə

Apple-ın yeni iPhone 16 seriyası satışa çıxdıqdan sonra gözlənilən səviyyədə satış göstərməyib. Bu vəziyyət, xüsusilə də LG ekran bölməsinə ciddi təsir göstərə bilər. KoreaTimes-ın verdiyi məlumata görə, iPhone 16-nın ilkin satışları əvvəlki modeldən aşağı olub. Bu, 2024-cü ilin sonlarında LG-nin performansını təhlükə altına alıb. iPhone 16 satışlarının iPhone 15-dən 13% aşağı olması, LG ekran bölməsinin çətinliyə düşməsinə səbəb olub.

SK Securities analitiklərinin fikrincə, iPhone 16-nın bəzi bölgələrdə tez satılması səbəbi, cihazın iPhone 15-ə nisbətən daha az sayda istehsal edilməsidir. Buna görə, görünən satış müvəffəqiyyəti əslində müvəqqəti ola bilər. Həqiqi rəqəmlər göstərir ki, iPhone 16-nın qlobal ön sifarişləri iPhone 15-ə nisbətən təxminən 13% azalıb.

Samsung Apple üçün ekran təchizatçılarından biri olmasına baxmayaraq, LG qədər təsirlənməyə bilər, çünki şirkət Apple-dan başqa bir çox brendə təchizat edir. LG, digər tərəfdən, Apple-a çox güvənir, buna görə də satışların azalması 2024-cü ilin sonunda şirkətin maliyyə nəticələrinə ciddi təsir göstərə bilər. 2024-cü ilin ikinci rübüdə Samsung-un ekran bölməsi mənfəət əldə edərkən, LG-nin ekran bölməsi 71 milyon dollar ziyan göstərib. Buna görə LG-nin ikinci yarımildəki performansı olduqca kritikdir.

Siz bu barədə nə düşünürsünüz? Rəylərinizi aşağıdakı şərhlər bölməsində bölüşə bilərsiniz.