Hizbullah Suriyadakı Vəziyyətdə Öz Mövqeyini Bildirdi

Hizbullah baş katibi Naim Qasim, Suriyada baş verən hadisələrlə bağlı açıqlama yayaraq, ölkədə xaos yaradan "terrorçu qrupların" hücumlarına qarşı Suriyanın yanında duracaqlarını bildirib.

Qasim, son günlərdəki hücumların ABŞ və İsrail tərəfindən dəstəkləndiyini iddia edərək, bu hücumların məqsədlərinə çatmayacağını və Hizbullahın Suriyanın yanında olacağını vurğulayıb.

Suriyanın müxalif qüvvələrinin Hama şəhərini ələ keçirməsindən sonra edilən bu açıqlama, Hizbullahın Suriyanın prezidenti Bəşər Əsədi necə dəstəkləyəcəyinə dair ətraflı məlumat verməsə də, İrana yaxın olan bu qrupun əlindən gələni edəcəyini göstərir.

ABŞ Dövlət Departamenti isə Suriyadakı vəziyyətə və İranın Bəşər Əsəd rejiminə dəstək verməyə hazırlandığına dair xəbərlərə münasibət bildirərək, İran rejimini ən böyük terror və qeyri-sabitlik mənbələrindən biri adlandırmış və Suriyadakı qeyri-sabitləşdirici fəaliyyətlərini dayandırmasını tələb edib.

BMT-nin 2254 saylı qərarına istinad edən ABŞ Dövlət Departamentinin sözçüsü, Suriyadakı siyasi həllin və İranın qeyri-sabitləşdirici fəaliyyətlərinin sona çatması üçün bu qərarın əsas rol oynadığını vurğulayıb.