Göygölün Toğanalı kəndinə qaz verildi - FOTOLAR

“Azəriqaz” İstehsalat Birliyi respublikanın yaşayış məntəqələrində istehlakçıların qaz təchizatının yaxşılaşdırılması, qaz kəmərlərinin və avadanlıqların yenidən qurulması istiqamətində 2020-ci ildə də genişmiqyaslı işləri davam etdirir.

Göygöl rayonunun mürəkkəb relyefə malik olan Toğanalı kəndinə təbii qaz verilişi təmin olunub. Toğanalı kəndində 367 fərdi yaşayış evinin qazlaşdırılması üçün birpilləli sistem əsasında ümumi uzunluğu 21 kilometrə yaxın müxtəlif diametrli polad borularla daşıyıcı, eləcə də paylayıcı qaz xətləri çəkilib, hər bir mənzilə sayğac və fərdi tənzimləyici quraşdırılıb.