Gənc Qız Toyuna Hazırlaşarkən Faciəvi Şəkildə Həyatını İtirdi

Tərtər rayonunda 21 yaşlı bir gənc qızın toyuna hazırlaşarkən faciəvi şəkildə həyatını itirməsi böyük kədərə səbəb olub.

Qafqazinfo-ya istinadən verilən məlumata görə, hadisə Tərtər şəhərində beşmərtəbəli bir binanın dördüncü mərtəbəsində baş verib.

2003-cü il təvəllüdlü Arzu Niftalıyeva, yaşadıqları binanın dördüncü mərtəbəsində paltar sərərkən müvazinətini itirərək hündürlükdən yıxılıb. Mingəçevir Şəhər Xəstəxanasına çatdırılsa da, onu xilas etmək mümkün olmayıb.

Hadisə ilə bağlı Tərtər Rayon Prokurorluğunda araşdırma aparılır.

Vəfat edən Arzu Niftalıyevanın nişanlı olduğu və yaxın aylarda toyunun olacağı bildirilir.